ሶማሊያውያኑ ሙሽሮች የሰርጋቸውን ወጪ በድርቅ ለተጎዱ ወገኖች ለገሱ

አዲስ አበባ ፣ መጋቢት 11 ፣ 2009 (ኤፍ.ቢ.ሲ) ሶማሊያውያኑ ጥንዶች የሰርጋቸውን ወጪ በድርቅ ለተጎዱ ወገኖች ለግሰዋል፡፡

ከጋልካሲዮ አካባቢ የተገኙት እነኝህ ጥንዶች ሊባን እና አይሻ ይባላሉ፡፡

somali_couple.jpg

ሙሽሮቹ ለመጋባት የቆረጡት ቀን ደርሶ ትዳር ሲመሰርቱ በሰርጉ ስም ለድግስ እና ለሌሎች ወጪዎች የታቀደውን ሁሉ ገንዘብ ማባከን ነው በሚል ለሌላ በጎ ዓላማ አቀዱት፡፡

በዚህም ሳያበቁ ገንዘቡን ለድርቅ ተጎጂዎች የተለያየ ድጋፍ ማድረጋቸው ነው የተገለጸው፡፡

"የተባረከውን ጋብቻችንን ስንፈፅም የተራቡትንም በማሰብ ሊሆን ይገባል" በሚል ነው እርዳታውን ያደረጉት ተብሏል፡፡

somali_copule.jpg

የሰርጉን ወጭ ለመሸፈን በተዘጋጀው ገንዘብ ለድርቅ ተጎጂ ሶማሊያውያን ውሃ፣ ምግብ እና የህክምና ቁሳቁስ ገዝተው አበርክተዋል፡፡

ሙሽሮቹ በበጎ ተግባራቸው አድናቆትን አግኝተዋል፡፡

በማህበራዊ ድረገፆችም ትዳራችሁ ይባረክ፣ መጪ ዘመናችሁ በደግነት የተሞላ ይሁን የሚሉ መልካም ምኞቶች ተችሯቸዋል፡፡

ምንጭ፡-www.tuko.co.ke