ሀገር አቀፍ የጤና ተቋማት መሠረተ ልማት ግንባታ የ5 ወራት አፈጻጸም ግምገማ በአርባ ምንጭ ከተማ እየተካሄደ ነው

በመድረኩ የጤና ሚኒስትር ዴኤታ ወይዘሮ ዓለምጸሃይ ጳውሎስን ጨምሮ በሚኒስቴሩ የመሠረተ ልማት ዳይሬክቶሬት ሰራተኞች እና የሁሉም ክልሎች የዘርፉ ተወካዮች ተሳትፈዋል።

በውይይት መድረኩ የመክፈቻ ንግግር ያደረጉት ሚኒስትር ዴኤታ ወይዘሮ ዓለም ጸሃይ ጳውሎስ÷ የጤና ዘርፉን አገልግሎት ጥራት ለማሳደግ የመሰረተ ልማት ግንባታ ወሳኝ መሆኑን አንስተዋል።

ለዚህም የጤና ዘርፉን ለማሳለጥ የሚገነቡ የጤና ተቋማት እና መሠረተ ልማቶች በተያዘላቸው ጊዜ ማጠናቀቅ ይገባል ነው ያሉት።

ሚኒስቴሩ በሀገር አቀፍ ደረጃ ወቅቱን የሚመጥን እና ነባራዊ ሁኔታውን ያገናዘበ የጤና መሠረተ ልማት ግንባታ ለማከናወን በትኩረት እየሰራ መሆኑንም አብራርተዋል።

የግንባታ ዕቃዎች መናር፣ የዲዛይን መሻሻል፣የበጀት እጥረት፣ በቅንጅት አለመስራት እና የወሰን ማስከበር የዘርፉ ዋና ተግዳሮቶች መሆናቸውን ተሳታፊዎች አንስተዋል።

አሁን ላይም ባለፍት አምስት ወራት የተከናወኑ የጤና ተቋማት እና መሠረተ ልማት ግንባታዎች አፈጻጸም ዙሪያ ምክክር እየተደረገ ይገኛል።

ዛሬ እና ነገ በሚካሄደው በዚህ የውይይት መድረክ በሁሉም ክልሎች ያለው የጤና ተቋማት እና መሰረተ ልማት ግንባታ አፈጻጸም እንደሚገመገም ተገልጿል።

በመላኩ ገድፍ

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል www.youtube.com/fanatelevision ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!