Fana: At a Speed of Life!

ለሀገር ክብር እየተዋደቁ ላሉ የመከላከያ ሰራዊት አባላት የምስጋናና የምሳ ግብዣ መርሃ ግብር ተካሄደ

አዲስ አበባ፣ ታህሳስ 2፣ 2014 (ኤፍ ቢ ሲ) ለሀገር ክብር እየተዋደቁ ላሉ የመከላከያ ሰራዊት አባላት የምስጋና እና የምሳ ግብዣ መርሃ ግብር ተካሄደ።

በጦር ሃይሎች አጠቃላይ ሆስፒታል የቤላ ማገገሚያ ማእከል የተካሄደው መርህ ግብር በወጣቱ ባለሃብት ምህረታብ ሙሉጌታ የተዘጋጀ ነው።

ወጣት ምህረታብ በመርሃ ግብሩ እንዳለው “የማይተካ ህይወታቸውን እየሰጡ ሀገር እያቆሙ ላሉት ለኢትዮጵያ የቁርጥ ቀን ልጆች ይህንን ማድረግ በጣም ትንሹ ነው” ብሏል።

የዜግነት ግዴታው እንደሆነ ገልፆ፣ ትልቅ ክብር እንደተሰማውና “ሁላችንም የቻልነውን አድርገን ሀገራችንን እንታደግ” የሚል መልእክት ለማስተላለፍ እንደሆነ ተናግሯል።

በመርሃ ግብሩ የተገኙት የኢፌዴሪ መከላከያ ሚኒስቴር የህዝብ ግንኙነት ዳይሬክተር ኮሎኔል ጌትነት አዳነ፥ “ኢትዮጵያ በየትኛውም ዘመን እንዳልተሸነፈችው ሁሉ በእኛም ዘመን አትሸነፍም፤ ያንን ደግሞ በአይናችን እያየን ነው፣ ይህንን እያደረጉ ያሉትን ጀግኖች መደገፍ ደግሞ ኢትዮጵያን ማክበርና ማላቅ ነውና እናመሰግናለን” ብለዋል።

በዚሁ መርሃግብር ወጣት ምህረታብ 1 ሚሊየን ብር ለመከላከያ ሰራዊት ኮሎኔል ጌትነት አዳነም ድጋፉን ተረክበዋል።

ከዚህ ቀደም ወጣት ምህረታብ ለሀገር መከላከያ ሰራዊት 1 ሚሊየን ብር እና 30 በሬዎችን ማበርከቱ ይታወሳል።

በሀብታሙ ተ/ስላሴ

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.