ለአፋር ሕዝብ ጠላትን የሽንፈት ካባ ማከናነብ አኩሪ የጀግንነት ባሕሉ ነው

የአፋር ሕዝብ ፓርቲ ሊቀመንበር አቶ ሙሳ አደም እንደገለጹት፤ የአፋር ሕዝብ ከህወሓት ጋር እያደረገ ባለው ራስን የመከላከል ጦርነት አንጸባራቂ ድል እያስመዘገበ እንደሚገኝ ተናግረዋል፡፡

የአፋር ሕዝብ ሰላም ወዳድ ነው ያሉት አቶ አደም ሊወረው የመጣን ጠላት ግን አሳፍሮና የውርደት ካባ አከናንቦ መመለስ ጥንትም የነበረ አኩሪ የጀግንነት ባሕሉ ነው ብለዋል፡፡

ድል ያለ መስዋዕትነት እንደማይገኝ የአፋር ሕዝብ ጠንቅቆ ያውቃል፤ ለዚህም አስፈላጊውን ሁሉ እየከፈለ ወረራውን እየመከተ ይገኛል ነው ያሉት።

ድል ሁሌም ከሃቀኞች ጎን በመሆኑ እንደ ሌላው የኢትዮጵያ ሕዝብ ሁሉ የአፋር ሕዝብም በአሸባሪው ህወሓት እብሪት ተገዶ በገባበት ጦርነት በወራሪው ላይ ድል እያስመዘገበ ይገኛል ብለዋል፡፡

አቶ ሙሳ የአፋር ሕዝብ ከአባቶቹ የወረሰው ‘ዳጉ’ የተሰኘው ጠንካራ የመረጃ ልውውጥ ባሕል ያለው መሆኑም ሌላው የድሉ ምስጢር እንደሆነ ተናግረዋል፡፡

የሕዝቡ ማኅበራዊ ስሪት በትንሹ የማይበረግግና ለጠላት የማይመች እንደሆነም መግለፃቸውን ኢዜአ ዘግቧል፡፡

የአፋር ሕዝብ ቀዳሚ ምርጫ ሠላም ነው ያሉት አቶ ሙሳ፤ ህወሓት የማን አለብኝ እብሪቱን የሚቀጥል ከሆነ እስከመጨረሻው ለመታገል ቁርጠኛ መሆኑን ተናግረዋል፡፡

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!