Fana: At a Speed of Life!

ሚኒስቴሩ ከዘርፉ ተዋናዮች ጋር በባህል ኢንዱስትሪ ልማት የአሰራር ስርዓት ዙሪያ ውይይት እያካሄደ ነው

አዲስ አበባ ፣ ጥር 6 ፣ 2013 (ኤፍ ቢ ሲ) የባህልና ቱሪዝም ሚኒስቴር ከዘርፉ ተዋናዮች ጋር በባህል ኢንዱስትሪ ልማት የአሰራር ስርዓት ዙሪያ በአዳማ ከተማ ውይይት እያካሄደ ነው ፡፡
በመድረኩ ላይ በባህል ኢንዱስትሪ ልማት ላይ የተሰማሩ ባለሙያዎች ፣ ተጠሪ ተቋማት፣ የዘርፉ ማህበራት እንዲሁም የተለያዩ መንግስታዊ ተቋማት ተወካዮች ተገኝተዋል።
በውይይቱም በባህል ፖሊሲ የማሻሻያ አስፈላጊነት፣ የባህል ዲፕሎማሲ ስርዓት፣ የባህላዊ እና የፈጠራ ውጤቶች በዲጂታል ቴክኖሎጂ እንዲደገፉ አጋዥ የሆኑ የአሰራር ስርዓትችን ስለመዘርጋት፣ በባህል ጥበባት ዘርፍ እውቅና እና ልምድ ያላቸው ሙያተኞች ለሃገር እድገት አስተዋጽአ እንዲኖራቸው አስቻይ የአሰራር ሥርዓት ለመፍጠር ትኩረት ያደረጉ ሰነዶች ላይ ውይይት እየተደረገ ነው።
በተጨማሪም በባህል ኢንዱስትሪ ልማት ለተሰማሩ ተዋናዮች የብድርና ሌሎች አገልግሎቶች ምቹ የሚሆኑበት አግባብ የቀረቡ ሰነዶች ላይ ውይይት እየተደረገ ይገኛል፡፡
በሚኒስቴሩ መሥሪያ ቤቱ የባህል ዘርፍ አማካሪ ዶክተር እልፍነሽ እንደተናገሩት መድረኩ በአጠቃላይ በባህል ዘርፉ አሰራር እና ፖሊሲ ላይ የታዩ ክፍተቶችን በመፈተሽ እና ችግሮቹን ነቅሶ በማውጣት የመፍትሄ ሃሳብ የሚጠቆምበት ነው ብለዋል።
አያይዘውም ውይይቱ ለዘርፉ የተሻለ አፈፃፀም ሊከናወኑ የሚገቡ ተግባራቶችን የሚጠቁም እንደሚሆን ገልጸዋል።
ከዚህ ባለፈም የዘርፉን ማህበራዊ እና ኢኮኖሚያዊ አስተዋጽኦ ለማጉላት የሚያስችል ግብአት ከመድረኩ እንደሚጠበቅ መግለጻቸውን ከባህልና ቱሪዝም ሚኒስቴር ያገኘነው መረጃ ያመላክታል።
Aaከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!
You might also like

Leave A Reply

Your email address will not be published.