ምክትል ከንቲባ አዳነች አቤቤን ጨምሮ ከፍተኛ ባለስልጣናት በቅርቡ በቦሌ ክፍለ ከተማ ወረዳ 1 በእሳት አደጋ ጉዳት የደረሰበትን አካባቢ ጎበኙ

ባለስልጣናቱ ማምሻውን በአደጋው ተጎጂ የሆኑ ቤተሰቦችን ማጽናናታቸው ነው የተገለጸው።

በአደጋው በደረሰው የሰው ህይወት መጥፋት እና የንብረት ጉዳት የተሰማቸውን ሀዘን የገለጹ ሲሆን የከተማ አስተዳደሩ ከክፍለ ከተማውና ከወረዳው አስተዳደር ጋር በጋራ በመሆን አስፈላጊውን ድጋፍ እንደሚያደርጉ ምክትል ከንቲባዋ ተናግረዋል።

በወረዳው አየር አምባ አካባቢ በአንድ መኖሪያ ቤት ላይ በደረሰ የእሳት ቃጠሎ የአንድ ቤተሰብ አባላት የሆኑ አራት ህጻናት ሕይወት ያለፈ ሲሆን ሁለት ሰዎች ቃጠሎ አደጋ ደርሶባቸው ህክምና በመከታተል ላይ እንደሚገኙ ከአዲስ አበባ ፕሬስ ሴክሬታሪያት ያገኘነው መረጃ ያመላክታል፡፡