ም/ከንቲባ ወ/ሮ አዳነች 12 ሚሊየን ብር የሚገመት ንብረት በእሳት አደጋ የወደመባቸውን ተጎጂዎች ጎበኙ

ምክትል ከንቲባ ወይዘሮ አዳነች አቤቤ ጉዳት በደረሰበት አካባቢ በመገነኘት በንብረት ላይ የደረሰው ጉዳት ከባድ ቢሆንም በሰው ሕይወት ላይ ጉዳት ባለመድረሱ ደስተኛ መሆናቸውን ገልጸው የከተማ አስተዳደሩ በአደጋው የተጎዱ ወገኖችን ለማቋቋም አስፋላጊውን ድጋፍ እንደሚያደርግ አረጋግጠዋል፡፡

የአዲስ አበባ ከተማ የእሳት እና አደጋ ስጋት ስራ አመራር ኮሚሽን የህዝብ ግንኙነት ቡድን መሪ አቶ ጉልላት ጌታነህ የእሳት አደጋው ወደ ሌሎች አካባቢዎች እንዳይስፋፋ የእሳት እና አደጋ ስጋት ስራ አመራር ኮሚሽን የአደጋ መከላከል ሰራተኞች፣ ፌዴራል ፖሊስ፣ የአዲስ አበባ ፖሊስ እና የአካባቢው ማህበረሰብ በመተባባር አደጋውን በቁጥጥር ስር ማዋላቸውን መግለፃቸውን ከአዲስ አበባ ፕሬስ ሴክሬታሪያት ያገኘነው መረጃ ያመለክታል።

48 ሚሊየን የሚሆን ንብረት ደግሞ ከእሳት አደጋው ለማዳን መቻሉ የአዲስ አበባ ከተማ የእሳት እና አደጋ ስጋት ስራ አመራር ኮሚሽን የህዝብ ግንኙነት ቡድን መሪ አቶ ጉልላት ጌታነህ ገልጸዋል፡፡