Fana: At a Speed of Life!

ሱዳናውያን ተቃዋሚዎች የአውሮፓ ኅብረትን ጣልቃ ገብነት አንሻም አሉ

አዲስ አበባ፣ ጥር 6፣ 2014 (ኤፍ ቢ ሲ) የአውሮፓ ኅብረት በሱዳን ከጊዜ ወደ ጊዜ እየተባባሰ ለመጣው ፖለቲካዊ ግለት እልባት እሰጣለሁ በሚል ያቀረበው ሀሳብ ተቃውሞ ገጠመው፡፡

ኅብረቱ ግጭቶችን ለማስቀረት ወደ ሀገሪቱ ለመግባት ያቀረበውን ሀሳብ ተከትሎ በርካታ ሱዳናውያን በካርቱም ጎዳና ላይ ወጥተው ተቃውሟቸውን ገልጸዋል፡፡

በሱዳን ህዝባዊ አመጹ እንደ አዲስ የተቀሰቀሰው የሀገሪቱ ጠቅላይ ሚኒስትር አብደላ ሀምዶክ ስልጣን መልቀቃቸውን ተከትሎ ነው ተብሏል፡፡

በህዝባዊ አመጹ እየተሳተፉ ያሉ ዜጎችና ተቃዋሚዎች፥ የኅብረቱን ውሳኔ የማንቀበለው ህዝቡን አስቀድሞ ባለማወያየቱ እና በአሁኑ ሰዓት ሥልጣኑን ከተቆጣጠረው ወታደራዊ አካል ጋር የሚወያይባቸውን የመፍትሄ ሀሳቦች ግልጽ ባለማድረጉ ነው ይላሉ፡፡

ተቃዋሚዎቹ ኅብረቱ ከወታደራዊ አስተዳደሩ ጋር እንዲመክር ሳይሆን የምንፈልገው በራሳችን ህዝባዊ አስተዳደር መመስረት ነው ብለዋል፡፡

ሰልፈኞቹ “ መርሀችን ከእኛ እውቅና፣ ምክክርና ስምምነት ውጭ የሚካሄድን ማንኛውንም ውይይት ፣ ድርድር፣ እንዲሁም ኅብረቱ ለማንኛውም አካል የሚሰጠውን እውቅና አንፈልግም፦ አንቀበልም” ሲሉም ነው የተደመጡት፡፡

ባሳለፍነው ሰኞ የኅብረቱ ልዩ ልኡክ በሀገሪቷ የተከሰተውን ወቅታዊ ግጭት ለመፍታት ከተለያዩ ፖለቲካዊ እና ህዝባዊ አካላት ጋር ተከታታይ ምክክሮች አድርገዋልም ነው የተባለው፡፡

የኅብረቱ አቋም ከአሜሪካ ፣ ከዩናይትድ ኪንግደም፣ ከተባበሩት አረብ ኤሚሬትስ፣ ከሳዑዲ አረቢያ እና ከግብጽ ድጋፍ እንዳለውም የአፍሪካ ኒውስ ዘገባ ያመለክታል፡፡

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.