በሀረሪ ክልል የተካሄደው ምርጫ ነፃ፣ ፍትሃዊና ገለልተኛ ነው ተባለ

ምክርቤቱ በመግለጫው ትላንትና በምርጫ ቦርድ የተገለፀው የክልሉ የምርጫ ውጤት፥ ኢትዮጵያ ያጋጠማትን ውስጣዊና ውጫዊ ጫና ተቋቁማ ሉዐላዊነት ሀገር መሆኗን ለወዳጅም ለጠላትም ያስመሰከረችበት ነው ብሏል።

ምክርቤቱ አያይዞም ምርጫው በሰላም ይጠናቀቅ ዘንድ አስተዋጽኦ ላበረከቱ አካላት ምስጋናውን አቅርቧል።

የምክርቤቱ ሰብሳቢ አቶ መሀመድ ሁሴን አደም ፥ ተፎካካሪ የፖለቲካ ፖርቲዎች በምርጫ መፎካከር ብቻ ሳይሆን በእያንዳንዱ የመንግስት ፖሊሲ ላይ ሲያደርጉት የነበረው የነቃ ተሳትፎ ለምርጫው ነፃና ፍትሃዊት አበርክቶ ነበረው ብለዋል።

የምርጫ ሂደቱ ከቅድመ እስከ ድህረ ምርጫ ድረስ ሰላማዊ እንደነበር የጠቆመው ምክርቤቱ፥ በክልሉ መንግስት ለመመስረት የሚያበቃውን ድምፅ ላገኘው የብልፅግና ፖርቲ መልካም ምኞቱን ገልጿል።

6ኛው ሀገራዊና ክልላዊ ምርጫ በሰላም ይጠናቀቅ ዘንድም የበኩላቸውን ድርሻ ለተወጡት ሰባት የተፎካካሪ ፖርቲዎች ጨምሮ ለሃይማኖት አባቶች፣ለሀገር ሽማግሌዎችና ለፀጥታ አካላት ምክርቤቱ ምስጋናውን አቅርቧል።

በእዮናዳብ አንዱዓለም

ወቅታዊ፣ ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!