Fana: At a Speed of Life!

በሊቢያ የጋዳፊ ልጅ ወደ ፕሬዚዳንታዊ ምርጫ ውድድር ሊመለሱ ነው

አዲስ አበባ፣ ህዳር 24፣ 2014 (ኤፍ ቢ ሲ) የሊቢያ ፍርድ ቤት የሀገሪቱ የቀድሞ መሪ ሙአመር ጋዳፊ ልጅ ሳኢፍ አል ኢስላም ጋዳፊ ወደ ፕሬዝዳንታዊ ምርጫ ውድድር እንዲመለሱ ወሰነ፡፡

የቀድሞ የጋዳፊ ልጅ በሚቀጥለው ወር ለሚካሄደው የአገሪቱ ፕሬዚዳንታዊ ምርጫ እጩ መሆናቸውን ማስታወቃቸውን የሊቢያ ምርጫ ኤጀንሲ አስታወቋል።

የአገሪቱ ምርጫ ኮሚሽን ሳኢፍ አል ኢስላም ጋዳፊ ከሊቢያ ፕሬዚዳንታዊ ምርጫ ዕጩነት ሰርዟቸው እንደነበር የሚታወስ ነው፡፡

ሆኖም ኤጀንሲው በመግለጫው እንዳስታወቀው ሰይፍ አል ኢስላም ለፕሬዚዳንታዊ ምርጫ እጩ መሆናቸው መወሰኑን ገልጿል።

የጋዳፊ ልጅ በፈረንጆቹ 2011 መገባደጃ ላይ አባታቸው ከ40 ዓመታት በላይ በስልጣን ላይ ከቆዩ በኋላ በህዝባዊ አመጽ ከስልጣናቸው ከተወገዱ እና ከተገደሉ በኋላ በእስር እንደነበሩ ዘገባው ያመላክታል፡፡

የቀደሞው የሊቢያ መሪ ጋዳፊ ስምንት ልጆች የነበራቸው ሲሆን ÷ አብዛኞቹ አባታቸው በስልጣን በነበሩበት ጊዜ ጉልህ ሚና ተጫውተዋል።

ልጃቸው ሙአታሲምን ጨምሮ በህዝባዊ አመፁ ሰይፈ አል አረብ እና ካሚስ የተባሉ ሌሎች ሁለት ልጆቻቸው ተገድለዋል።

ሌላ ወንድ ልጃቸው አል-ሳዲ ጋዳፊ ከሰባት ዓመታት በላይ ታስሮ ከቆየ በኋላ ከእስር ተለቋል።

በተመሳሳይ ሳኢፍ አል ኢስላም ከዓምስት ዓመታት እስር በኋላም በ2017 ከእስር መፈታት ችለዋል።

ሳኢፍ አል ኢስላም ጋዳፊን ጨምሮ ለምርጫው ሊወዳደሩ የነበሩ 25 ሰዎች በምርጫው እንዳይሳተፉ ተደርጎ እንደነበረ ይታወሳል።

የቀድሞ የሊቢያው መሪ ጋዳፊ ልጅ በፈረንጆቹ ታህሳስ 24 በሚካሄደው ምርጫ ብርቱ ተወዳዳሪ እንደሚሆኑ እየተጠበቀ ነው፡፡

ምንጭ፡- አፍሪካ ኒውስ

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.