Fana: At a Speed of Life!

በሚቀጥሉት ዓመታት በቲቢ በሽታ ለህልፈት የሚዳረጉ ሰዎች ቁጥር ሊጨምር ይችላል- የዓለም የጤና ድርጅት

አዲስ አበባ፣ ጥቅምት 5፣ 2013 (ኤፍ.ቢ.ሲ) በሚቀጥሉት ዓመታት በቲቢ በሽታ ለህልፈት የሚዳረጉ ሰዎች ቁጥር ሊጨምር ይችላል ሲል የዓለም ጤና ድርጅት አስጠነቀቀ፡፡
ድርጅቱ እንዳስታወቀው፥ የኮሮና ቫይረስ ወረርሽኝ እና የገንዘብ እጥረት ቲቢን ለመዋጋት እንቅፋት ሆነዋል።
ከዚህ ጋር ተያይዞም በቀጣይ ዓመታት በቲቢ በሽታ የሚሞቱ ሰዎች ቁጥር ከፍ ሊል እንደሚችልም ስጋቱን ገልጿል።
እንደ ድርጅቱ ገለፃም በ2020 የመጀመሪያ አጋማሽ ላይ አዳዲስ በቲቢ የተያዙ ሰዎች ቁጥር ሪፖርት እና ክትትል ላይ ከፍተኛ ቅነሳ ታይቷል።
ለዚህም ሀገራት ኮሮና ቫይረስን ለመግታት በጣሉት የእንቅስቃሴ ገደብ ምክንያት ሆኗል ነው የተባለው፡፡
የዓለም የጤና ድርጅት እንዳመለከተው በ2015 እና በ2019 መካከል በበሽታው የሚያዙ ሰዎች ቁጥር በ9 በመቶ እንዲሁም በተመሳሳይ ጊዜ ውስጥ ለሞት የሚዳረጉ ሰዎች በ14 በመቶ ቀንሶ እንደነበር ገልጿል፡፡
የድርጅቱ ዋና ዳይሬክተር ዶክተር ቴድሮስ አድሃኖም እንዳሉት፥ የኮሮና ቫይረስ ከቅርብ ዓመታት ወዲህ የተገኙትን ለውጦች እንዳይቀለብስ ያሰጋል በማለት የቫይረስ ስርጭትን እንደ አንድ ምክንያት አንስተዋል።
ከዚህ በተጨማሪም የቲቢ በሽታን ለመከላከል ሌላው ችግር የገንዘብ ድጋፍ መሆኑን በመግለጽ፤ ለችግሮቹም አስቸኳይ እና የተፋጠነ እርምጃ መውሰድ ያስፈልጋል ሲሉ አሳስበዋል።
ከ2018 እስከ 2019 ባለው ጊዜ ውስጥ 14 ሚሊየን ያህል ሰዎች የቲቢ ሕክምና ያገኙ ሲሆን፥ ይህም የተባበሩት መንግስታት ድርጅት በ2022 ቲቢን ለማከም ተስፋ ካደረገው 40 ሚሊየን ውስጥ 1/3 ብቻ ነው ተብሏል።
ምንጭ፦ አልጀዚራ
You might also like

Leave A Reply

Your email address will not be published.