Fana: At a Speed of Life!

በቤኒሻንጉል ጉሙዝ ክልል እየተባባሰ ላለው የኑሮ ውድነት ዘላቂ መፍትሄ ያስፈልጋል ተባለ

አዲስ አበባ፣ ታህሳስ 18፣ 2014 (ኤፍ ቢ ሲ) በቤኒሻንጉል ጉሙዝ ክልል ምክንያታዊ ባልሆነ የዋጋ ጭማሪ እና ምርት በመደበቅ እየተባባሰ ያለውን የኑሮ ውድነት በዘላቂነት ለመፍታት የሚመለከታቸው ባለድርሻ አካላት የተቀናጀ ተሳትፎ ሊያደርጉ እንደሚገባ የክልሉ ንግድና ኢንዱስትሪ ቢሮ ኃላፊ ለሜሳ ዋወያ ገለጹ፡፡
የቤኒሻንጉል ጉሙዝ ክልል ንግድ እና ኢንዱስትሪ ቢሮ ከተለያዩ ባለድርሻ ተቋማት አመራሮች ጋር በመሆን የነዳጅ እና ቤንዚን ስርጭት፣ የአስገዳጅ የግብርና ምርቶችን የምርት ክምችት፣ የአምራች ኢንዱስትሪዎችን የሥራ እንቅስቃሴ፣ የመሠረታዊ የፍጆታ ዕቃዎችን አቅርቦትና ስርጭት፣ በኬላዎች አካባቢ ያለውን የቁጥጥር ስርዓት እንዲሁም የወቅቱን የገበያ እንቅስቃሴ በተመለከተ በአሶሳና ባምባሲ የተለያዩ አካባቢዎች ምልከታ አካሂዷል፡፡
በአሶሳ ከተማና አንዳንድ የክልሉ ከተሞች ምክንያታዊ ያልሆነ የዋጋ ጭማሪ በማድረግና ምርት በመደበቅ የኑሮ ውድነቱ እንዲባባስ በሚያደርጉ አካላት ላይ ህጋዊ እርምጃ መወሰዱን ቢሮው አስታውቋል፡፡
በዚህም በ1 ሺህ 550 የንግድ ድርጅቶች ላይ በተካሄደ የክትትልና ቁጥጥር ሥራ÷ 101 ድርጅቶችን የማሸግ፣ 62 ድርጅቶች የማስጠንቀቂያና የቅጣት፣ 23 ድርጅቶች ደግሞ ወደ ህጋዊ መስመር እንዲመለሱ መደረጉ ተመላክቷል።
የክልሉ ንግድና ኢንዱስትሪ ቢሮ ኃላፊ ለሜሳ ዋወያ÷ እየተስተዋለ ያለውን ምክንያታዊ ያልሆነ የዋጋ ጭማሪ እና የምርት መደበቅ ችግሮች በዘላቂነት ለመፍታት እየተወሰደ ካለው እርምጃ ባሻገር የባለድርሻ ተቋማት የተቀናጀ ክትትል ያስፈልጋል ብለዋል፡፡
የበጀትና ፋይናንስ ዘርፍ ቋሚ ኮሚቴ ሰብሳቢ ሉቅማን አብዱልቃድር÷ ሥራ ያቆሙ አምራች ኢንዱስትሪዎችን አስፈላጊውን ድጋፍ በማድረግ ሥራ ማስጀመር ይገባል ማለታቸውን የቤኒሻንጉል ኮሙኒኬሽን መረጃ ያመላክታል።
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.