Fana: At a Speed of Life!

በአሸባሪው ወረራ ቡድን የተፈናቀሉ ወገኖች ወደ ቀያቸው እየተመለሱ ነው

አዲስ አበባ ፣ ታህሳስ 6 ፣ 2014 (ኤፍ ቢ ሲ) በአሸባሪው የትህነግ ቡድን ወረራ ምክንያት ከአካባቢያቸው ተፈናቅለውና ለብዙ ችግር ተጋልጠው የቆዩ ወገኖች ጀግኖቹ የኢትዮጵያ የጥምረት ሃይሎች ነፃ ወዳወጧቸው ቀያቸው እየተመለሱ ነው።
 
በአሸባሪው ወራሪ ቡድን ከተለያዩ አካባቢዎች የተፈናቀሉ ወገኖችን ወደ ቀያቸው ለመመለስ ነፃ የትራንስፖርት አገልግሎት እየሰጡ እንደሚገኙም ባለሀብቶች ተናግረዋል፡፡
 
በወሎ አካባቢ የሚንቀሳቀሱ የተለያዩ የበጎ አድራጎት ማኅበራትና ትራንስፖርት ሰጪ ማኅበራት ለተፈናቃይ ወገኖች ነፃ የትራንስፖርት አገልግሎት እንዲሰጡ የቀረበውን ጥሪ በመቀበል የልዩ ባስ ማኅበራት ቀና ምላሽ በመስጠት ተፈናቃዮችን እያጓጓዙ እንደሚገኝ ተገልጿል፡፡
 
ነፃ የትራንስፖርት አገልግሎት እያገኙ ያሉ ወገኖችም በተደረገላቸው አገልግሎት መደሰታቸውን ለአሚኮ ገልጸዋል፡፡
 
አሸባሪው እና ወራሪው ቡድን በሀገርና ወገን ላይ ያደረሰው ውድመት እና መከራ ቤት ይቁጠረው ያሉት ተፈናቃዮቹ፥ ሁሉም ወገን እያካሄደ ያለውን ርብርብ አጠናክሮ የሀገሪቱን ሕልውና ሊያስጠብቅ እንደሚገባ ነው የተናገሩት።
 
የልዩ ባስ አስተባባሪ አባል የኢትዮ ባስ እና ዋልያ ባስ ባለቤት አቶ አበበ ድንቁ በበኩላቸው፥ “ሰውን ለመርዳት ሰው መሆን በቂ ነው፤ እኛም ይህንኑ ነው ያደረግነው፤ ነገር ግን ለተፈናቃዮች ሌሎች ድጋፎችም ሰለሚያስፈልጉ ሁሉም ኢትዮጵያዊ አቅሙ በፈቀደ መጠን ሊተባበር ይገባል” ብለዋል።
 
አክለውም የተፈናቀሉ ወገኖቻችን ወደ መኖሪያ ቀያቸው ለመመለስ ከልዩ ባስ ኮሚቴዎች ጋር በመነጋገር ወገኖችን ለማገዝ ያደረጉት ድጋፍ በገንዘብ ሲተመን ከግማሽ ሚሊየን ብር በላይ የሚጠጋ አገልግሎት መስጠታቸውን አስረድተዋል፡፡
 
ይህንኑ አገልግሎት የመጪው አርብ ለመድገም 20 አውቶብሶች እንደተዘጋጁም አብራርተዋል፡፡
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.