Fana: At a Speed of Life!

በአሸባሪዎቹ ህወሓት እና ሸኔ ጉዳት የደረሰባቸውን ከተሞች ወደ እንቅስቃሴ ማስገባት ያስፈልጋል – የገንዘብ ቢሮ ሃላፊዎች

አዲስ አበባ፣ ታህሳስ 1፣ 2014 (ኤፍ ቢ ሲ) በአሸባሪዎቹ ህወሓት እና ሸኔ ጉዳት የደረሰባቸውን ከተሞች መደበኛ እንቅስቃሴ ማስጀመር እንደሚገባ የአማራ እና አሮሚያ ገንዘብ ቢሮ ሃላፊዎች ገለጹ።
 
ከፋና ብሮድካስቲንግ ኮርፖሬት ጋር ቆይታ ያደረጉት የአማራ ክልል ገንዘብ ቢሮ ሃላፊ ዶክተር ጥላሁን መሃሪ አሸባሪው ህወሓት ወረራ በፈፀመባቸው የአማራ ክልል ወረዳ እና ዞን ከተሞች ከፍተኛ ውድመት ማድረሱን ተናግረዋል፡፡
 
በተለይም የኢንዱስትሪ ከተማዋን ኮምቦልቻን ጨምሮ ደሴ እና ሌሎች ከተሞች በደረሰው ውድመት ምክንያት የመንግስት አገልግሎት መስጫ ተቋማት ሙሉ በሙሉ ስራ ማቆማቸውንም ነው የተናገሩት።
 
በእነዚህ ከተሞች በደረሰው ውድመት ምክንያትም የክልሉ መንግስት የሚያገኘው ገቢ መቀነሱንም ገልጸዋል።
 
በከተሞች የወደሙ አገልግሎት መስጫ ተቋማትን መልሶ መገንባት ያስፈልጋል ያሉት ሃላፊው፥ ለዚህም የፌደራልና የክልሉን መንግስት ጨምሮ ባለሃብቶች የበኩላቸውን አስተዋጽኦ ሊያደርጉ እንደሚገባ ጥሪ አቅርበዋል።
 
የኦሮሚያ ክልል ገንዘብ ቢሮ ሃላፊ አቶ ቶሎሳ ደገፋ በበኩላቸው አሸባሪው የሸኔ ቡድን ጥቂት ቦታዎች ላይ መንገዶችን በመዝጋትና ህዝቡ ላይ ሽብር በመፍጠር የህብረተሰቡን የንግድ እንቅስቃሴ ማስተጓጎሉን ገልፀው በዚህም የክልሉ መንግስት ገቢ ላይ ተጽዕኖ ማድረሱን አውስተዋል፡፡
 
አሁን ላይም እነዚህ የሽብር ቡድኖች በኢትዮጵያውያን የተባበረ ክንድ እየተደመሰሱ እንደሚገኙ እና በክልሉ ጉዳት የደረሰባቸው ከተሞች አሁን ላይ መደበኛ እንቅስቃሴ ላይ ይገኛሉ ብለዋል፡፡
 
የአንድ ክልል የገቢ ተፅዕኖ የሁሉም አካባቢ ችግር በመሆኑ በአፋር እና አማራ ክልሎች ላይ የወደሙ ከተሞችን ለማቋቋም የሁሉም ኢትዮጵያውያን የጋራ ርብርብ እንደሚያስፈልግም አጽንኦት ሰጥተዋል፡፡
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.