በአውስትራሊያና ኒውዝላንድ የሚኖሩ ኢትዮጵያዊያንና ትውልድ ኢትዮጵያዊያን ለህዳሴ ግድብ 233 ሺህ 557 ዶላር ስጦታና ቦንድ ግዥ ፈጸሙ

በዚህ ወቅት የኢፌደሪ የውጭ ጉዳይ ሚኒስትር አቶ ገዱ አንዳርጋችው ባስተላለፉት መልዕክት የሕዳሴ ግድብ ኢትዮጵያ በዓባይ ወንዝ ላይ ያላትን ሉዓላዊነት ለማስመስከር አስተዋፅዖ ማድረጉን ገልጸዋል።

አቶ ገዱ በቦንድ ሽያጭ፣ በስጦታና እንዲሁም የኮሮና ቫይረስ ወረርሽኝ ለመከላከል በተደረገው ጥረት ዳያስፖራው እይደረገ ላለው ሁሉን አቀፍ ድጋፍ ምስገናቸውን አቅርበዋል።

የውጭ ጉዳይ ሚኒስትር አቶ ገዱ በማያያዝም ግድቡ ለኢትዮጵያ የመጀመሪያ እንጂ የመጨረሻ አለመሆኑን በመጥቀስ ኢትዮጵያ በሕዳሴ ግድብ ላይ ያላት ሉዓላዊ መብት በምንም የሚተካ አለመሆኑን እና ግድቡን እንደጀመርነው እንጨርሰዋለን ማለታቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመለክታል።

በአውስትራሊያና በኒውዝላንድ የሚኖሩ ኢትዮጵያዊን ቦንድ በመግዛት፣ በዕውቀታቸው፣ የኢትዮጵያን አቋም ለሚመለክታቸው እና ተፅዕኖ ፈጣሪዎች በማስረዳት የሚችሉትን ሁሉ ሀገራዊ ኃላፊነታቸውን እንዲወጡ ጥሪ አቅርበዋል።