በአዲስ አበባ ሳይንስና ቴክኖሎጂ ዩኒቨርሲቲ ለይቶ ማቆያ ለሚያገለግሉ ሠራተኞች የበዓል ስጦታ ተበረከተ

ኃላፊዎቹ በዚህ ወቅት 1 ሺህ 441ኛውን የኢድ አልፈጥር በዓልን ምክንያት በማድረግ ስምንት በግና ፍየሎችን የዩኒቨርሲቲው ፕሬዚዳንት ባሉበት አስረክበዋል።

የበዓል ስጦታው በዩኒቨርሲቲው ቅጥር ግቢ በተዘጋጀው የለይቶ ማቆያ ውስጥ የሚገኙ ዜጎችን በማገልገል ላይ ለሚገኙ የጤና ባለሙያዎች፣ የጸጥታ ሰራተኞች፣ የፅዳት ሰራተኞችና በተያያዥ ሙያ ለተሰማሩ የተበረከተ ነው።

ሠራተኞቹ የኮሮናቫይረስ (ኮቪድ-19) ወረርሽኝን ለመከላከል በሚደረገው ሥራ ላይ እየሰጡ ላሉት አገልግሎት ምስጋና ቀርቦላቸዋል።

ሰራተኞቹ ለሚሰጡት አገልግሎት መንግስት ከጎናቸው እንደሆነ የገለጹት ኃላፊዎቹ፤ በቀጣይም ለአገራቸው እየከፈሉት ያለውን መስዋዕትነት አጠናክረው እንዲቀጥሉ ጥሪ አቅርበዋል።