Fana: At a Speed of Life!

በእንግሊዝ ጥገኝነት የጠየቁና ወደ ሩዋንዳ ሊላኩ የነበሩ ስደተኞች በረራ ታገደ

አዲስ አበባ ፣ ሰኔ 8 ፣ 2014 (ኤፍ ቢ ሲ) በእንግሊዝ ጥገኝነት የጠየቁና ወደ ሩዋንዳ ሊላኩ የነበሩ ስደተኞች የአውሮፕላን በረራ በፍርድ ቤት መታገዱ ተሰማ።

አውሮፕላኑ ለበረራ በተዘጋጀበት ወቅት መታገዱ ነው የተነገረው።

እንግሊዝ ከጦርነት ሽሽት ወደ ግዛቷ የገቡ ስደተኞችን በሩዋንዳ የማስፈር እቅድ እንዳላት መግለጿ ይታወሳል።

ይህን ተከትሎም የአውሮፓ ሰብአዊ መብቶች ችሎት ጉዳዩን ተቃውሞ በእንግሊዝ ፍርድ ቤት ክርክር አንስቶ የመጀመሪያው በረራ መታገዱን ቢቢሲ ዘግቧል።

ከበረራው መታገድ ቀደም ብሎ በተደረገ የፍርድ ቤት ክርክር የተወሰኑ ስደተኞች ወደ ሩዋንዳ እንዲጓጓዙ ፍቃድ ተሰጥቶ ነበር።

የታገደው በረራ በቦይንግ 767 አውሮፕላን ሊደረግ የነበረ ሲሆን፥ ሌሎች ተጨማሪ መሰል በረራዎች እንዳይደረጉ በፍርድ ቤት እገዳ መጣሉም ነው የተሰማው።

ከዚህ ቀደም ተመድ የስደተኞቹ ወደ ሩዋንዳ መወሰድ እንደሚያሳስበው መግለፁ ይታወሳል።

የእንግሊዝ መንግስት እቅድ ከጦርነት ሽሽት የመጡ ስደተኞች ጥያቄያቸውን በሩዋንዳ ሆነው እንዲያቀርቡ የሚል ነው።

ይህ ደግሞ ሌሎች ስደተኞች ጥገኝነትን ተስፋ አድርገው እንግሊዝ እንዳይገቡ ያደርጋል የሚል ነው።

ይህ አካሄድ ግን የስደተኞቹ ጥያቄ በአግባቡ እንዳይታይ ያደርገዋል በሚል ጥያቄን ሲያስነሳ ቆይቷል።

 

 

 

 

You might also like

Leave A Reply

Your email address will not be published.