በኪስማዮ ሴክተር ስድስት የተሰማራው የ5ኛ ሞተራይዝድ ሰላም አስከባሪ ሻለቃ በወቅታዊ ጉዳይ ላይ ውይይት አካሄደ

ውይይቱን የመሩት የሻለቃው ምክትል አዛዥ ለኦፕሬሽናል ሌ/ኮ አሰፋ መኮነንን ናቸው።

በወቅቱም አረመኔው የጁንታው ቡድን ከውልደቱ እስከ አሁን ድረስ በሴራ የተሞላ ፣ ለስልጣንና ለገንዘብ ሲል የሚቃወመውን ሲያስር ፣ ሲገርፍ ፣ ሲያሳድድና ሲገድል የኖረ እንዲሁም የሃገሪቱን ሃብትና ንብረት ሙልጭ አድርጎ የመዘበረ ቡድን ነው ብለዋል፡፡

ይህ ሁሉ ድርጊቱ አልበቃው ብሎ በሰሜን ዕዝ ሰራዊት ላይ ዘግናኝ ግፍ ፣ ብሎም በሃገራችን ሉዓላዊነት ላይ የተቃጣ የመጨረሻ የአረመኔነት ጥግ ሲሉም አውግዘዋል ፡፡

ሰራዊቱ በዚህ እኩይ ተግባር ሳይዘናጋ በተሰማራበት ግዳጅ የበኩላችንን ድርሻ ልንወጣ ይገባልም ነው ያሉት ፡፡

ከውይይቱ ተሳታፊዎች በሰጡት አስተያየት ፣ ሰራዊቱ በተኛበት የተደረገው ዘግናኝ ድርጊት በጣም የሚያሳፍር ነው ሲሉ አውግዘውታል፡፡