በፌደራልና በክልል የተጀመረ የለውጥ አካሄድ በቀበሌና ወረዳ መዋቅሮች ሊተገበር ይገባል – ምሁራን

አዲስ አበባ፣ ጥቅምት 3፣ 2014 (ኤፍ ቢ ሲ) በፌደራልና በክልል ደረጃ የተጀመረ የለውጥ አካሄድ ህዝብን ፊት ለፊት በሚያገኙት የቀበሌና ወረዳ መዋቅሮች ሊተገበር እንደሚገባ ምሁራን ተናገሩ፡፡

በድሬዳዋ ዩኒቨርሰቲ የፖለቲካል ሳይንስ ምሁሩ ሱራፌል ጌታሁን እንደተናገሩት÷ ህዝብን ለምሬት የዳረጉ የታችኛው የመንግስት መዋቅር አሰራሮችን ለማሻሻል የሀሳብ ብዝሃነትን እንዲያስተናግዱ በሚያስችል ሁኔታ ማዋቀር ይገባል፡፡

ይህንን ችግር ለመፍታት እንዲቻል መስፈርቱ ፓርቲ ብቻ ሳይሆን÷ አቅምና ችሎታ ያላቸውን ግለሰቦች ማሳተፍ ያስፈልጋል ብለዋ፡፡

በደብረ ማርቆስ ዩኒቨርሲቲ የፖለቲካ ሳይንስ መምህሩ ዶክተር ደጉ አስረስ በበኩላቸው÷ ታችኞቹ የመንግስት መዋቅሮች በህዝብ የዕለት ተለዕት ግልጋሎት ቁልፍ ሚና አላቸው ብለዋል፡፡

በእነዚህ መዋቅሮች የሚስተዋለው ችግር ግለሰቦችን ወደ ስልጣን በማምጣት ሳይሆን÷ መዋቅራዊ የአሰራር ለውጥን በመተግበር፤ ደግሞም ተጠያቂነትን በማስፈን የሚፈታ ነው፡፡

በተለይም ለስልጣን ያለን አመለካከት ከጥቅም ማካበቻነት ወደ አገልጋይነት መቀየር ያስፈልጋልም ነው ያሉት ምሁራኑ፡፡

በአፈወርቅ እያዩ

ወቅታዊ፣ ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!