Fana: At a Speed of Life!

በ550 ሚሊየን ዶላር የሚተገበረው የከተሞች ልማታዊ ሴፍቲኔትና ስራ ፕሮጀክት ትግበራ እየተካሄደ ነው

አዲስ አበባ፣ ጥር 21፣ 2014 (ኤፍ ቢ ሲ) በሀገር አቀፍ ደረጃ በ550 ሚሊየን ዶላር ተግባራዊ የሚደረገው ሁለተኛው ምዕራፍ የከተሞች ልማታዊ ሴፍቲኔትና ስራ ፕሮጀክት ዛሬ በይፋ ተጀምሯል።

ፕሮጀክቱ “ልማታዊ ሴፍቲኔት ለከተሞች ሁለንተናዊ ለውጥ” በሚል መሪ ሀሳብ ነው በአገር አቀፍ ደረጃ ድሬዳዋ ላይ በይፋ የተጀመረው።

በሚኒስቴሩ የከተሞች ልማታዊ ሴፍቲኔትና ሥራ ፕሮጀክት አስተባባሪ አቶ መኮንን ያኢ ለኢዜአ እንደገለጹት፥ ፕሮጀክቱ በኢትዮጵያ በተመረጡ 83 ከተሞች ተግባራዊ ይደረጋል።

ፕሮጀክቱ በዓለም ባንክና በኢትዮጵያ መንግሥት 550 ሚሊየን ዶላር በጀት የሚተገበርና 816 ሺህ 500 ዜጎችን በቀጥታና በልማት ስራዎች በማሳተፍ ተጠቃሚ እንደሚያደርግ አስታውቀዋል።

በመርሃ ግብሩ የከተማና መሠረተ ልማት ሚኒስትር ወይዘሮ ጫልቱ ሳኒን፣ የድሬዳዋ አስተዳደር ከንቲባ አቶ ከድር ጁሀር ፣ የድሬዳዋ አስተዳደር ምክትል ከንቲባ አቶ ሀርቢ ቡህ ፣ ሚኒስትር ዲኤታዎች ፣ ከፍተኛ የአስተዳደሩ አመራሮች ፣ የቋሚ ኮሚቴ አባላት ፣ የአለም ባንክ ተወካዮች ፣ የሀይማኖት አባቶች ፣ የሀገር ሽማግሌዎች ፣ ጥሪ የተደረገላቸው እንግዶች ፣ የሴፍቲኔት ተጠቃሚዎች እንዲሁም ሌሎች ባለ ድርሻ አካላት ተገንተዋል።

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.