Fana: At a Speed of Life!

በ6ኛው አጠቃላይ ምርጫ የተገኙ መልካም ተሞክሮዎች ዘላቂ እንዲሆኑ ማድረግ ያስፈልጋል – ብሄራዊ የምርጫ ቦርድ

አዲስ አበባ፣ ሚያዝያ 20፣ 2014 (ኤፍ ቢ ሲ) በ6ኛው አጠቃላይ ምርጫ የተገኙ መልካም ተሞክሮዎች ዘላቂ እንዲሆኑ ማድረግ እንደሚያስፈልግ የኢትዮጵያ ብሄራዊ ምርጫ ቦርድ አስታወቀ፡፡

ቦርዱ በ6ኛው አገር አቀፍ ምርጫ ሂደት የግምገማ ውጤቶች እና የተገኙ ተሞክሮዎችን በማስተዋወቅ ላይ ይገኛል።

ለሁለት ተከታታይ ቀናት የሚቆየውን አውደ ጥናት መድረክ የከፈቱት የኢትዮጵያ ምርጫ ቦርድ ሰብሳቢ ብርቱካን ሚዴቅሳ እንዳሉት፥ በኢትዮጵያ በተካሄደው ምርጫ የተገኙ መልካም ተሞክሮዎችን ዘላቂ እና ቀጣይ ማድረግ እንደሚገባ አስገንዝበዋል፡፡

በተጨማሪም፥ የነበሩ ችግሮችን ለቀጣይ ትምህርት በሚሆነን መልኩ የምንለይበት መልካም አጋጣሚ ነው ብለዋል።

ለተካሄደው ምርጫ ስኬት አስተዋጽኦ ላደረጉ ባለድርሻ አካላትም ሰብሳቢዋ ምስጋና አቅርበዋል፡፡

በኢትዮጵያ የተባበሩት መንግስታት የልማት ፕሮግራም (ዩ ኤን ዲ ፒ) ተወካይ ቱርሃን ሳለህ በበኩላቸው፥ በኢትዮጵያ የተካሄደው የምርጫ ሂደት ግልጽ፣ አካታች እና ተዓማኒነት ያለው መሆኑን ገልጸዋል፡፡

ይህም በኢትዮጵያ የምርጫ ታሪክ የመጀመሪያው መሆኑንም አጽንኦት ሰጥተው የተናገሩ ሲሆን፥ የኢትዮጵያ የምርጫ ቦርድ ሃላፊነቱን በብቃት በመወጣቱ ሊመሰገን ይገባልም ነው ያሉት ፡፡

በአሰፋ አህመድና ሃይማኖት ኢያሱ

You might also like

Leave A Reply

Your email address will not be published.