ብሪታኒያውያን ባለሀብቶች በኢትዮጵያ ኢንቨስትመንት በስፋት እንዲሳተፉ ጥሪ ቀረበ

ጉባኤው የአፍሪካ መሪዎችን፣ የቢዝነስ አካላትንና ዓለም አቀፍ ተቋማትን ፊት ለፊት በማገናኘት አፍሪካንና ብሪታኒያ በኢንቨስትመንት እና በንግድ በማስተሳሰር የስራ እድል ለመፍጠር ያለመ መሆኑን ልዩ መልዕክተኛ አምባሳደር ፊሊፕ በዚህ ወቅት ገልጸዋል።

አምባሳደሩ በጉባኤው ኢትዮጵያ እንድትሳተፍም ግብዣ አቅርበዋል።

ዶክተር አክሊሉ ሃይለሚካኤል በበኩላቸው መሰል ጉባኤዎች የኢንቨስትመንት ማነቆዎችን ለመፍታት እና ኢንቨስትመንትን ለማስፋፋት ወሳኝ ሚና እንደሚጫወቱ በማስታውስ ኢትዮጵያ በጉባኤው እንድትሳተፍ ስለቀረበው ግብዣ አመስግነዋል።

በአትዮጵያ ስላሉ ምቹ ኢንቨስትመንት አማራጮችም ገለጻና ማብራሪያ በመስጠት ብሪታኒያዊያን ባለሀብቶች በስፋት እንዲሳተፉ ዶክተር አክሊሉ በዚህ ወቅት ጥሪ ማቅረባቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመለክታል፡፡