አቶ ሽመልስ አብዲሳ ከጅቡቲ የንግድ ምክር ቤት ፕሬዚዳንት ጋር ተወያዩ

አቶ ሽመልስ የጅቡቲ ባለሃብቶች በክልሉ ባለው ሰፊ የኢንቨስትመንት ሃብት ላይ በመሳተፍ ራሳቸውንና የሃገራቱን ህዝቦች ተጠቃሚ እንዲያደርጉ ጥሪ አቅርበዋል።

የጅቡቲ የንግድ ምክር ቤት ፕሬዚዳንት የሱፍ በበኩላቸው የጅቡቲ ባለሃብቶች በክልሉ ባሉ የኢንቨስትመንት አማራጮች ላይ የመሰማራት ፍላጎት እንዳላቸው አንስተዋል።

በቀጣይም የጂቡቲ ባለሃብቶች በአዳማ ከተማ በሚካሄደው የቢዝነስና ኢንቨስትመንት ኮንፈረንስ ላይ ተሳትፎ እንዲያደርጉ ጥሪ ማቅረባቸውን በጂቡቲ የኢትዮጵያ ኤምባሲ ያወጣው መረጃ ያመላክታል።

በውይይቱ ወቅት በእርሻ፣ በከብት ማድለብና በቱሪዝም መስክ ያልተነኩ የኢንቨስትመንት መስኮች ላይ መሰማራት የሚያስችሉ ዕድሎች መኖራቸው ገለጻ ተደርጓል።