Fana: At a Speed of Life!

አየር መንገዱ ከአፍሪካ የመጀመሪያው የሆነውን ሽልማት ተቀበለ

አዲስ አበባ፣ ታህሳስ 15፣ 2014 (ኤፍ ቢ ሲ) በአፍሪካ ትልቁ የአቪዬሽን ኢንዱስትሪ የሆነው የኢትዮጵያ አየር መንገድ ከአፍሪካ የመጀመሪያው የሆነውን በሎጂስቲክስ ዘርፍ የላቀ የሰርተፍኬት ሽልማትን ከዓለም አቀፉ የአየር ትራንስፖርት ማህበር ተቀበለ።
የኢትዮጵያ አየር መንገድ ለኢዜአ በላከው መግለጫ እንዳስታወቀው ሽልማቱ ቀልጣፋ እና ውጤታማ የፋርማሲዩቲካል ማጓጓዣ እንዲኖር ያደርጋል።
የምስክር ወረቀቱን ተከትሎ የኢትዮጵያ አየር መንገድ ግሩፕ ዋና ስራ አስፈፃሚ አቶ ተወልደ ገብረማርያም “ይህን ጠቃሚ ዓለም አቀፍ የምስክር ወረቀት በማግኘታችን በጣም ደስተኞች ነን” ብለዋል።
የምስክር ወረቀቱ በአቪዬሽን ውስጥ ካሉት የሎጂስቲክስ ኢንዱስትሪዎች ከፍተኛ የዓለም ደረጃዎች ውስጥ አንዱ ጠንካራ ማረጋገጫ ነው” ብለዋል ዋና ስራ አስፈጻሚው፡፡
በዚህም መሰረት ዓለም አቀፍ ደረጃዎችን ለማሟላት በፋርማሲ እና ላይፍ ሳይንስ አያያዝ ተቋማችን ላይ ጠንክረን እየሰራን ነው ሲሉ ገልፀዋል፡፡
ሽልማቱ የተገኘው የኢትዮጵያ የካርጎ እና ሎጂስቲክስ ቡድን የኮቪድ-19 ክትባቶች በዓለም ዙሪያ እና በተለይም በአፍሪካ አህጉር ቁልፍ ሚና እየተጫወተ ባለበት መሆኑ ደሞ ልዩ ያደርገዋል ብለዋል አቶ ተወልደ፡፡
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.