ከአሸባሪው ህውሓት ጋር በምናደርገው ውጊያ የህዝባችን ድጋፍ አቅም ሆኖናል- በግንባር የተሰለፉ የጸጥታ ኃይሎች

አዲ አበባ፣ ጥቅምት 14፣ 2014 (ኤፍ ቢ ሲ) አሸባሪውን ቡድን በግንባር ስንዋጋ ማህበረሰቡ ደጀን በመሆን የሚሳየው አለኝታነት የሚበረታታ መሆኑን በወሎ ግንባር የተሠለፉ የጸጥታ ሀይሎች ገለጹ፡፡

የፋና ብሮድካስቲንግ ኮርፖሬት የጋዜጠኞች ቡድን በወሎ ግንባር ቅኝት ባደረገበት ወቅት የጸጥታ ኃይሎች እንደገለጹት÷ ወራሪውና ዘራፊውን ቡድን ባለበት ለመቅበር እየሠራን ነው ብለዋል።

ረዳት ኢንስፔክተር መስፍን መኮንን እንደተናገሩት÷ እኛ መስዋእትነት ስንከፍል ማህበረሰቡ እያሳየ ያለው ደጀንነት ስንቅና ሞራል ሆኖናል ብለዋል።

ምክትል ሳጅን ሰለሞን ሙጨ በበኩላቸው÷ ጁንታው በግንባር ስንፋለም ማህበረሰቡ ከኘሮፖጋንዳ በመራቅ አካባቢውን ነቅቶ ሊጠብቅ ይገባል ብለዋል።

ከሀሠት ወሬ በመራቅ አካባቢውን በንቃት መጠበቅ አለበት ያሉት የጸጥታ ሀይሎቹ÷ ወጣቱ ግንባር ድረስ በመዝመት ሀገሩን ሊጠብቅ እንደሚገባም አሳስበዋል፡፡

በከድር መሀመድ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!