Fana: At a Speed of Life!

የሀረሪ ክልል ለአገር መከላከያ ሰራዊት ከ34 ሚሊየን ብር በላይ መሰብሰቡን አስታወቀ

አዲስ አበባ፣ህዳር 8፣2014 (ኤፍ ቢ ሲ) የሀረሪ ክልል ለአገር መከላከያ ሰራዊት ከ34 ሚሊየን ብር በላይ መሰብሰቡን የክልሉ ምክትል ርዕሰ መስተዳድር ወይዘሮ ሚስራ አብደላ ገለፁ፡፡

አሸባሪው ህወሓት ላለፉት 27 አመታት ራሱን የበላይ እና ሌላውን ዜጋ ባይተዋር አድርጎ ከመቆየቱም በተጨማሪ የኢትዮጵያን አንድነት ለመናድ በትኩረት ሲሰራ መቆየቱን ወቅታዊ ጉዳይን አስመልክቶ በሰጡት መግለጫ አመላክተዋል፡፡

አሸባሪ ቡድኑ በአገር መከላከያ ሰራዊት ላይ ጥቃት በማድረስ እና ማይካድራ ላይ የዘር ማጥፋት ድርጊት በመፈፀም ከሃዲነቱን በድጋሚ አረጋግጧልም ብለዋል፡፡

በአሁኑ ወቅት የአማራና አፋር ክልሎችን በመውረር በዜጎች ላይ ኢ-ሰብዓዊ ድርጊት እየፈፀመ ስለመሆኑም ርዕሰ መስተዳድሯ አስታውሰዋል፡፡

ቡድኑ ከአገር ውስጥና ከውጪ ባንዳ ጠላቶች ጋር በመቀናጀት አገራችንን ለማፍረስ ጥረት እያደረገ ቢሆንም መላው ኢትዮጵያውያን በአንድነት እየመከቱት መሆናቸውን ጠቁመዋል፡፡

በርካታ የክልሉ ወጣቶችና የቀድሞ ሰራዊት አባላትም ሰራዊቱን ለመቀላቀል እየተመዘገቡ መሆናቸውን ጠቅሰው÷ ህዝቡ የአካባቢውን ሰላም በመጠበቅ ለፀጥታ ስጋት ሊሆኑ የሚችሉ ችግሮችን እያከሰመ እንደሆነም ገልጸዋል፡፡

በአጭር ጊዜ በተከናወነ የገቢ ማሰባሰብ ስራም 34 ነጥብ 8 ሚሊየን ብር መሰብሰቡን ከክልሉ ኮሙኒኬሽን ያገኘነው መረጃ ያመላክታል፡፡

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.