የመውሊድ በአልን ለማክበር ወደ ጀማ ንጉስ መስጅድ የሚመጡ ምእመናንን ለመቀበል ዝግጅት ማጠናቀቁን የአልቡኮ ወረዳ አስተዳደር ገለጸ

በኢትዮጵያ ለመጀመሪያ ጊዜ መውሊድ በተከበረበት በጀማ ንጉስ መስጅድ በየአመቱ በአሉ በደማቅ ሀይማኖታዊ ስርአት ይከበራል።

ህዝበ ሙስሊሙ ወደ ቦታው ሲመጣ እንዳይቸገር የ12 ኪሎ ሜትር መንገድ ጠረጋ ስራ ፥ ጊዜያዊ የህክምና የፍትህ ተቋማት ማእከላት፣ የምግብና የሸቀጣሸቀጥ ሱቆችን ተደራጅተዋል።

የወረዳው ጤና ጽ/ቤት ሀላፊ አቶ አብዱ ሠይድ እንደገለጹት፥ ከንጽህና ጋር ተያያዥነት ያላቸው በሽታዎችን ለመከላከል የህክምና ቡድን ተደራጅቶ እየሠራ ነው ብለዋል።

ህብረተሠባችን ለሠላሙ ዋጋ በመስጠት በሀይማኖታዊ ስርዓት በአሉን ማክበር ይጠበቅበታል ያሉት የወረዳው መንግስት ኮሙኒኬሽን ሀላፊ አቶ አሊ አባተ ናቸው።

በክብረ በአሉ በርካታ ህዝበ ሙስሊም በቦታው ስለሚገኝ ለመረጃ ልውውጥ የሚያገለግል የሚኒ ሚዲያ አገልግሎት ተደራጅቷል ።

የወረዳው የጸጥታ አካላትም በዝግጁነት ህብረተሠቡን እያገለገሉ ይገኛሉ።

በአለባቸው አባተ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!