Fana: At a Speed of Life!

የተለያዩ ተቋማት ለሰራዊቱ እና ተፈናቃዮች ከ4 ሚሊየን ብር በላይ ድጋፍ አደረጉ

አዲስ አበባ፣ ታህሳስ 27፣ 2014 ( ኤፍ ቢ ሲ) የአዲስ አበባ አመራር አካዳሚ እና ነዋሪነታቸውን በአትላንታ ያደረጉ ኢትዮጵያውያን ለመከላከያ ሰራዊት እና ተፈናቃዮች ከ4 ሚሊየን ብር በላይ የሚያወጣድጋፍ አድርገዋል።

የአዲስ አበባ አመራር አካዳሚፕሬዚዳንት ዶክተር ደሳለኝ ጴጥሮስ ÷ አካዳሚው ከዚህ በፊት ድጋፍ ማድረጉን ጠቁመው÷ አገር በተቸገረችበት ወቅት ሁሉም በጋራ ሊቆም ይገባል ብለዋል።

ለጀግናው የሀገር መከላከያ ሰራዊት 50 የበዓል መዋያ በጎችን እንዲሁም ለደቡብ ወሎ ዞን እና ለደሴ ከተማ አስተዳደር የምግብና የአይነት ድጋፍ ተደርጓል ነው ያሉት፡፡

ለተደረገው ድጋፍ ምስጋና ያቀረቡት የደሴ ከተማ አስተዳደር ከንቲባ አቶ አበበ ገብረመስቀል በበኩላቸው ÷ ድጋፉ ችግር ላይ ለሚገኙ የህብረተሰብ ክፍሎች በፍጥነት እንዲደርስ ይደረጋል ብለዋል።

በሌላ በኩል ነዋሪነታቸውን በአትላንታ ያደረጉ ኢትዮጵያውያን ማህበረ ረድኤት የሚባል ግብረ ሰናይ ድርጅት አቋቁመው ከ2 ሚሊየን ብር በላይ የሚገመት የአይነት ድጋፍ በሰሜን ሸዋ ዞን በወራሪው ቡድን ጉዳት ለደረሰባቸዉ ወገኖች አበርክተዋል፡፡

ድርጅቱን ወክለው ድጋፉን ያስረከቡት አቶ ዳዊት ተሾመ እንደገለጹት÷ የማህበሩ አባላት ከዕለት ደራሽ ምግብ ግብዓት ጎን ለጎን በቀጣይም ጉዳት የደረሰባቸው ወገኖችን ለማቋቋም እንደሚሰሩ ተናግረዋል።

ድጋፉን የተረከቡት የሰሜን ሸዋ ዞን አስተዳደር ፅህፈት ቤት ሃላፊ አቶ እንግዳሸት በጋሻው ÷ሀገር ለማፍረስ በተነሳው ወራሪ ቡድን ጉዳት የደረሰባቸው ወገኖች ወደ ቤታቸው ቢገቡም በወራሪው ቡድን ከፍተኛ ውድመት ስለደረሰባቸው መሠል ድጋፎች ተጠናክረው መቀጠል እንዳለባቸው አሳስበዋል፡፡

በከድር መሀመድ እና በኤልያስ ሹምዬ

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.