የቻይና መንግስት 400 ሺህ ዶላር የሚያወጡ የህክምና ቁሳቁሶች ድጋፍ አደረገ

እርዳታው የቻይና መንግስት በትግራይ እና በደቡብ ክልሎች የሚገኙ ሁለት ዞኖች ውስጥ የጨቅላ ህፃናት ጤና ለማሻሻል እና ሞት ለመቀነስ እንዲሁም የጤና ተቋማትን ለማስፋፋት ከያዘው የ1 ሚሊየን ዶላር ፕሮጀክት ውስጥ የሚካተት ነው ተብሏል።

የእርዳታው ቁሳቁሶች የሚሰጡት ለመጀመሪያ ደረጃ ሆስፒታሎች  ፣ጤና ጣቢያዎች ና ጤናኬላዎች መሆኑ ታውቋል፡፡

ቁሳቁሶቹ የተገዙትም በዩኒሴፍ አማካኝነት ሲሆን ዩኒሴፍ በፕሮጀክቱ ለጤና ባለሙያዎች ስልጠናም እንደሚሰጥም ተጠቅሷል።

እርዳታውን የተረከቡት የጤና ሚኒስትር ዶክተር ሊያ ታደሰ ኢትዮጵያ ውስጥ ከ5 ዓመት በታች የሆኑት የህጻናትን ሞት በመቀነስ የምዕተዓመቱን የልማት ግብ ማሳካት የቻለች ቢሆንም የጨቅላ ህፃናትን ሞት በተፈለገው መጠን ባለመቀነሱ የጤናው ዘርፍ ትልቅ የትኩረት አጀንዳ እንደሆነ ተናግረዋል፡፡

ሚኒስትሯ ለተደረገው ድጋፍ ለቻይና መንግስትንና ለዩኒሴፍ ምስጋና አቅርበው ሌሎች አካላት ተጨማሪ ድጋፍ እንዲያደርጉ ጥሪ ማቅረባቸውን ከጤና ሚኒስቴር ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!