የኢትዮጵያ መከላከያ ሰራዊት አክሱምንና አድዋን ሙሉ በሙሉ እንዲሁም የአዲግራትን ዙሪያ ተቆጣጠረ

ሰለህለሃ ላይ የመሸገው የጁንታው ኃይል መንገዱን በዶዘር ቆርጦና አስፓልቱን አበላሽቶ በቦታው ከባድ መከላከል አድርጓል ነው የተባለው።

የመከላከያ ሰራዊቱ የጁንታውን ተከላካይ ኃይል ሰብሮ በመግባት አክሱምን ሙሉ በሙሉ መቆጣጠሩ ተገልጿል።

ከአክሱም ወደ አድዋ በነበረው ጉዞ በአንዳንድ ቦታዎች ላይ የጁንታው ኃይል ለመከላከል ቢሞክርም፣ በመከላከያ ሰራዊቱ ድል ማድረጉን የአስቸኳይ ጊዜ አዋጅ የመረጃ ማጣሪያ ገልጿል።

የመከላከያ ሰራዊቱ እንቲጮንና የአዲግራትን ዙሪያ ተቆጣጥሮ ወደ አዲግራት ከተማ እየገሠገሠ ይገኛል።

አያሌ የጁንታው ተዋጊዎች እጃቸውን የሰጡ ሲሆን ከድተው ከጁንታው ጋር ሆነው ሲዋጉ የነበሩ ወታደሮችም ይገኙበታል ነው የተባለው።