የኢትዮጵያ እውነት እንደ ደመራው ብርሃን መድመቁ አይቀሬ ነው-ም/ ከንቲባ አዳነች አቤቤ

በክርስትና ሃይማኖት ተከታዮች ዘንድ መስቀል ጨለማን የገለጠ፥ የብርሃንን አሸናፊነት ያሳየ፤ አዲሰ ተስፋን ያበሰረ ከድንግዝግዝ ጨለማ ውስጥ አስደናቂ የሆነ ብርሃን መገኘት ማሳያ እንደሆነ አመልክተዋል።

መስቀሉም እየሱስ ክርስቶስ ለሰው ልጆች ሁሉ ሲል ውድ የህይወት ዋጋ የከፈለበት ሆኖ ሳለ፤ክፉዎች መስቀሉንና የመሰቀሉን ግማድ ለመደበቅ የቆሻሻ ክምር በመከመር የመስቀሉን ሃይልና የፈውስ ምንጭነት ለመሰወር ከንቱ ጥረት ማድረጋቸውንም አስረድተዋል።

ነገር ግን በቆሻሻ ክምር ቢጋሩዱትም፣ መሰቀሉንም ከመገኘት ሊከለክሉም ሆነ እውነትን ሊሰውሩ እንዳልቻሉ አብራርተዋል።

ይህንን ከአገራችን አሁናዊ ሁኔታ ጋር በመስተያየትም የመሰቀሉን እውነት በቆሻሻ ክምር ሊጋርዱት እንደጣሩት ክፉዎች ሁሉ፥ የአገራችንን የኢትዮጵያን እውነት ሊጋርዱ፤ ሊያጠለሹና የውሸት ቆሻሻ ሊከምሩ እየተጉ ያሉ የውስጥና የውጭ ሃይሎች ሙከራቸው ሊሳካ እንደማይችል በአጽንኦት ገልጸዋል።

የውጭ ሃይሎች ኢትዮጵያን እኛ ካላስተዳደርን እናፈርሳታለን ብለው ከተነሱት የእናት ጡት ነካሽ ከሆኑ ከሃዲዎች ጎን ቆመው ሊያንበረክኩን ቢሞክሩም ፣ የቆሻሻ ተራራን ንደው ከተቀበረበት ቆፍርው እንዳወጡት ጽኑዓን ሁሉ እኛም ኢትዮጵያውያን አስፈላጊውን ዋጋ እየከፈልን አገራችንን ከከበባት ሀሰት፣ ትዕቢትና ዘርፈ ብዙ ጫና እናላቅቃታለን ሲሉ ተናግረዋል።

ህዝቦቿ በጀመሩት የትብብርም አሸናፊ እንደሚሆኑም እናምናለን ሲሉ በአጽንኦት ተናግረዋል።

በመጨረሻም ኢትዮጵያ ታሽንፋለች ፣ የኢትዮጵያ እውነትም እንደ ደመራው ብርሃን መድመቁ አይቀሬ ነው ሲሉ አስመረውበታል ምክትል ከንቲባዋ ።