Fana: At a Speed of Life!

የእንግሊዘኛ ቋንቋ ማሻሻያ ፕሮግራምን ለማሳካት ከውጪ አገራት በጎ ፈቃደኛ መምህራንን የማሳተፍ ስራ ተጀምሯል- ፕሮፌሰር ብርሃኑ

አዲስ አበባ፣ ሰኔ 13፣ 2014 (ኤፍ ቢ ሲ) የትምህርት ሚኒስትር ፕሮፌሰር ብርሃኑ ነጋ በኢትዮጵያ የአውስትራሊያ አምባሳደር ጁሊያ ኒብለት ጋር ተወያይተዋል።
 
በውይይታቸውም በትምህርት ዘርፉ ላይ እየተደረጉ ባሉ ለውጦች ዙሪያ እና በጦርነቱ የወደሙ የትምህርት ተቋማትን መልሶ ለመገንባት በሚደረገው ጥረት ላይ መክረዋል፡፡
 
ፕሮፌሰር ብርሃኑ የኢትዮጵያን የትምህርት ጥራት ለማሻሻል እና መሰረት ለመጣል የሚረዱ የሪፎርም ስራዎች በትምህርት ዘርፉ መጀመራቸውን ገልፀዋል፡፡
 
ካሉት ሪፎርሞች የእንግለዝኛ ቋንቋ ማሻሻያ ፕሮግራምን በተመለከተ የበጎ ፈቃደኛ መምህራንን በብዛት ለማስመጣት ስራዎች መጀመራቸውንም ተናግረዋል።
 
ከአውስትራሊያም ከ1ሺህ ያላነሱ የበጎ ፈቃድ እንግሊዝኛ መምህራን እንደሚፈልጉም ለአምባሳደሯ ገልፀውላቸዋል።
 
በኢትዮጵያ የአውስትራሊያ አምባሳደር ጁሊያ ኒብሌት በበኩላቸው÷በኢትዮጵያ የትምህርት ዘርፍ የተጀመረውን የትምህርት ጥራት ማሻሻያ ሪፎርም እንደሚያደንቁ ገልፀዋል።
 
በአውስትራሊያ 16 ሺህ በላይ ኢትዮጵያውያን ዳያስፖራ መኖሩን ጠቅሰው÷ እነዚህን እና አውስትራሊያውያንን በማስተባበር አስፈላጊውን ድጋፍ ለማድረግ ቃል መግባታቸውንም ከሚኒስቴሩ ያገኘነው መረጃ ያመላክታል፡፡
You might also like

Leave A Reply

Your email address will not be published.