Fana: At a Speed of Life!

የእግረኞች በሞባይል ጽሑፍ እየተላላኩ መጓዝ ሙዚቃ ከማዳመጥና ከመነጋገር የበለጠ ለትራፊክ አደጋ እንደሚያጋልጥ ጥናት አመለከተ

አዲስ አበባ፣ ጥር 26፣ 2012(ኤፍ.ቢ.ሲ) በካናዳ የተጠና አንድ ጥናት አግረኞች በመንገድ ላይ የፅሁፍ መልዕክት እየተላላኩ መጓዝ ሙዚቃ ከማዳመጥ እና በስልክ ከመነጋገር የበለጠ በከፍተኛ ሁኔታ ለአደጋ እንደሚያጋልጣቸው አመለከተ።

ተመራማሪዎች በመቶዎች የሚቆጠሩ እግረኛ ላይ ከሚከሰቱ አደጋዎች በስተጀርባ ያሉትን ምክንያቶች ካጠኑ በኋላ ችግሩ ከፍተኛ ነው ሲሉ አስጠንቅቀዋል።

የጥናቱ ውጤት የጽሑፍ መልእክት እየላኩ መንገድ ማቋረጥ ወደ ግራ እና ወደ ቀኝ መመልከት አለመቻል ጋር ተያይዞ ለሚመጣ አደጋ ምክንያት ነው ብሏል።

በሌላም በኩል በስልክ ማውራት መንገዱን ለመሻገር ከሚወስደው ጊዜ ትንሽ ጭማሪ የሚያሣይ ሲሆን፥ ሙዚቃ ማዳመጥ በእግረኞች ደህንነት ላይ ትልቅ ለውጥ አላማምጣቱም ነው በጥናቱ የተመላከተው።

የእግረኞች መዘናጋት በዓለም ዙሪያ በሚገኙ ከተሞች ውስጥ እየጨመረ የሚሄድ ችግር መሆኑን ጠቅሰው፥ በዚህ ዘርፍ ተጨማሪ ጥናት እንደሚያስፈልግ በካናዳ ካልጋሪ ዩኒቨርስቲ ተመራማሪ የሆኑት አጥኚ ቡድኖቹ ገልጸዋል።

የዕለት ተዕለት ኑሮ የሚካተቱትን የስማርትፎን ፣ ማህበራዊ ሚዲያ፣ መተግብሪያዎች፣ ቪዲዮዎች እና ሙዚቃዎች ጨምሮ ትኩረትን የሚከፋፍሉ የእግር ጉዞ እና የተዘበራረቀ የጎዳና ላይ ማቋረጦች የወደፊቱ የመንገድ ደህንነት አሳሳቢ ጉዳዮች መሆናቸውንም ተመራማሪዎች ገልጸዋል።

 

ምንጭ፦ ሲ.ኤን.ኤን

ትኩስ መረጃዎችን በፍጥነት ለማግኘት የቴሌግራም ገፃችንን ሰብስክራይብ ያድርጉ!
https://t.me/fanatelevision

You might also like

Leave A Reply

Your email address will not be published.