Fana: At a Speed of Life!

የፍትህ ሚኒስቴርና የኢትዮጵያ ህግ ባለሙያዎች ማህበር አመራሮች በጦርነቱ የተጎዱ አካባቢዎችን ጎበኙ

አዲስ አበባ፣ ታህሳስ 19፣ 2014 (ኤፍ ቢ ሲ) የኢ.ፌ.ዲ.ሪ. ፍትህ ሚኒስቴር እና የኢትዮጵያ ህግ ባለሙያዎች ማህበር ስራ አስፈጻሚ አባላትና አመራሮች በአማራና አፋር ክልሎች ተዘዋውረው የህወሃት ጥፋት ሀይል ያደረሳቸውን ጉዳቶች መመልከቱን ማህበሩ አስታወቀ።

የማህበሩ ስራ አስፈፃሚ አባልና የህትመትና አለምአቀፍ ግንኙነት ቋሚ ኮሚቴ ሰብሳቢ አቶ ቴዎድሮስ ጌታቸው፥ በሁለቱ ክልሎች በተለያዩ አካባቢዎች የአሸባሪ ቡድኑ ህወሓት ያደረሰው ግፍና ጥፋት ሲታወስ የሚኖር የታሪካችን ጥቁር ነጥብ ነው ሲሉ ገልጸዋል።

የሽብር ቡድኑ ህዝብን ከህዝብ በአጠቃላይ ኢትዮጵያን አስተሳስሮ የያዘውን የዘመናት ታሪክ፣ ባህል፣ ሀይማኖት፣ መከባበር፣ መቻቻል የመሳሰሉት እሴቶችን ለመበጣጠስ ዓላማው ማድረጉን አቶ ቴዎድሮስ ተናግረዋል።

አቶ ቴዎድሮስ አክለውም የጠፋውን የሰው ህይወት መመለስ ባይቻልም የደረሰውን መጠነ ሰፊ ውድመት ወደነበረበት ለመመለስ የመላው ኢትዮጵያውያን ርብርብ የግድ የሚል መሆኑን ጠቁመዋል።

እንደ ህግ ማህበረሰብም በቀጣይ ሁሉን የተጠናከረ ድጋፍ የሚጠበቅ መሆኑም አንስተዋል።

ፍትህ ሚኒስቴር ከግሉ የህግ ማህበረሰብ እና ከሙያ ማህበሩ ጋር የፈጠረው ጥምረት እጅግ እንሚበረታታ እና በዘርፈ ብዙ ጉዳዮች ላይ ሊጠናከርና ጥሩ ውጤት እንደሚያመጣም ተገልጿል።

ይህ ቅንጅታዊ ትስስር መደበኛ በሆነው የፍትህ ስርዓት ግንባታ ብቻም ሳይሆን የማህበራዊ ግዴታን በጋራ መወጣትን የሚጨምር እንደመሆኑ መጠን ፍትህ ሚኒስቴር ሰራተኛውን፣ እኛም የማህበራችን አባላትን በመጋበዝ እና በማስተባበር የተሰባሰበውን ድጋፍ በአማራ እና አፋር ክልል ለሚገኙ ተጎጂዎች በቦታው ተገኝቶ በማድረስ የተጣለብንን አደራ በአግባቡ ተወጠተናልም ነው ያሉት አቶ ቴዎድሮስ ።

በህግ አገልግሎት ላይ የተሰማራን ጠበቆች እና የህግ አማካሪዎች በግልም ሆነ በማህበር ደረጃ የበኩላችንን ለመወጣት ዝግጁ ነን ሲሉ የማህበሩ ስራ አስፈጻሚ አባልና የህትመትና አለምአቀፍ ግንኙነት ቋሚ ኮሚቴ ሰብሳቢ ቴዎድሮስ ጌታቸው ገልጸዋል።

በፍሬህይወት ሰፊዉ

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.