Fana: At a Speed of Life!

ዳሽን ቢራ ፋብሪካ በ1 ነጥብ 6 ቢሊየን ብር በላይ በጎንደር ያስገነባውን የማስፋፊያ ፕሮጀክት አስመረቀ

አዲስ አበባ፣ ሰኔ 4፣ 2014 (ኤፍ ቢ ሲ) በጎንደር ከተማ የሚገኘው የዳሽን ቢራ ፋብሪካ በ1 ነጥብ 6 ቢሊየን ብር በላይ ወጪ ያስገነባው የማስፋፊያ ፕሮጀክት በዛሬው ዕለት ተመርቋል፡፡
 
በምረቃ ስነ ስርዓቱ የአማራ ክልል ርዕሰ መስተዳደር ዶክተር ይልቃል ከፋለ፣ የኢንዱስትሪ ሚኒስትሩ አቶ መላኩ አለበል፣ የፌዴሬሽን ምክር ቤት አፈ ጉባኤ አቶ አገኘሁ ተሻገር እና ሌሎች የፌዴራል፣ የክልል አመራሮችና ባለድርሻ አካላት ተገኝተዋል።
 
የፋብሪካው ዋና ስራ አስፈፃሚ ማሪዮ ቫን ጌልደን እንዳሉት÷ ማስፋፊያ ፕሮጀክቱ የፋብሪካውን የማምረት አቅም ለማሳደግ ታስቦ የተከናወነ ነው።
 
በዚህም የማስፋፊያ ፕሮጀክቱ የቢራ ፋብሪካውን ዓመታዊ የማምረት መጠን ከ2 ነጥብ 8 ወደ 4 ነጥብ 2 ሄክቶ ሊትር እንደሚያደርሰው ገልጸዋል።
 
ፋብሪካው በአሁኑ ወቅት ለአንድ ሺህ 500 ሰዎች የስራ እድል በመፍጠር ተጠቃሚ ማድረግ እንደቻለም አመልክተዋል።
 
ርዕሰ መስተዳደር ዶክተር ይልቃል ከፋለ በበኩላቸው ÷ በአማራ ክልል ኢንቨስትመንት እንዲስፋፋ የክልሉ መንግስት እየሰራ መሆኑንም አብራርተዋል፡፡
 
በክልሉ አስተማማኝ ሰላም በማረጋገጥ ኢንቨስትመንት እንዲስፋፋ ይደረጋል ያሉት ርዕሰ መስተዳድሩ ÷ በየተለያዩ ችግሮች ሲከሰቱ ዳሽን ቢራ የክልሉ ጉልበት ሁኖ መቀጠሉን ገልጸዋል።
 
በምናለ አየነው
You might also like

Leave A Reply

Your email address will not be published.