ዶ/ር ሊያ ታደሰ በማይጠብሪ ግንባር በህወሓት የወደሙ የጤና ተቋማትን ጎበኙ

የአሸባሪው ህወሓት ቡድን በአማራ እና አፋር ክልሎች በተለያዩ አካባቢዎች ህጻናት እና ሴቶችን ጨምሮ በርካታ ንጹሃን ዜጎችን ጨፍጭፏል።

ከዚህ ባለፈም ቡድኑ በወረራ ይዟቸው በነበሩ አካባቢዎች የጤና ተቋማትን እና በርካታ መሠረተ ልማቶችን አውድሟል።

የጤና ሚኒስትር ዶክተር ሊያ ታደሰም በሰሜን ጎንደር ዞን አዲ ዓርቃይ ወረዳ በሽብር ቡድኑ የወደመውን የዛሪማ ጤና ጣቢያ ጎብኝተዋል።

የትህነግ ወራሪ ሃይል 42 ሺህ ዜጎች ይገለገሉበት የነበረውን የዛሪማ ጤና ጣቢያ ሙሉ በሙሉ አውድሟል።

አሁን ላይም ጤና ጣቢያው ምንም አይነት አገልግሎት የማይሰጥ በመሆኑ የአካባቢው ነዋሪዎች ለከፋ ችግር ተዳርገዋል።

ሚኒስትሯ በሽብር ቡድን ከሰሜን ጎንደር ዞን የተለያዩ አካባቢዎች የተፈናቀሉ ዜጎችንም ጎብኝተዋል።

ሚኒስትሯ በዞኑ በሽብር ጉዳት ለደረሰባቸው ዜጎች አገልግሎት እየሰጠ የሚገኘውን የደባርቅ ሆስፒታልንም ጎብኝተዋል።

በሽብር ቡድኑ የወደሙ የጤና ተቋማትን መልሶ ስራ ለማስጀመርም የጤና ሚኒስቴር ከአጋር አካላት ጋር በቅንጅት እየሰራ መሆኑን ደ/ር ሊያ ተናግረዋል።

በመላኩ ገድፍ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!