Fana: At a Speed of Life!

ፖሊስ ከ4 ሚሊየን ብር በላይና ከ430 ሺህ በላይ የተለያዩ ሀገሮች ሀሰተኛ የገንዘብ ኖቶችን ያዘ

አዲስ አበባ ፣ ታህሳስ 14 ፣ 2013 (ኤፍ ቢ ሲ) የአዲስ አበባ ፖሊስ ኮሚሽን የከተማዋን ደህንነት ለማስጠበቅ እያካሔደ ባለው ፍተሻ እስካሁን ከ4 ሚሊየን በላይ የኢትዮጵያ ብርና ከ430 ሺህ በላይ የተለያዩ አገሮች ሀሰተኛ የገንዘብ ኖቶችን መያዙን አስታወቀ።

የኮሚሽኑ የህዝብ ግንኙነት ዳይሬክተር ኮማንደር ፋሲካ ፈንታ ፖሊስ 4 ሚሊየን 300 ሺህ የኢትዮጵያ ብር፣ 248 ሺህ 941 የአሜሪካ ዶላር እና 3 ሺህ 172 ዩሮ እንዲሁም ሌሎች የውጭ ሀገር ገንዘቦች ተይዟል ብለዋል።

በተጨማሪም 178 ሺህ 265 ብር፣ 181 ሺህ 900 የአሜሪካ ዶላር እና 200 ዩሮ ሃስተኛ ኖቶችን መያዙ በመግለፅ በተጠርጣሪዎች ላይ ምርመራ እየተካሔደ መሆኑን ለኢዜአ ተናግረዋል።

እንደ ኮማንደር ፋሲካ ገለጻ፤ በአንድ ወር ውስጥ የሕወሃት ጁንታ በሀገር ኢኮኖሚና ጸጥታ ላይ አደጋ ለመደቀን በርካታ ጥረቶችን አድርጓል።

በርካታ የጦር መሳሪያዎች፣ የውጭና የሀገር ውስጥ ሃሰተኛና ህገ-ወጥ የገንዘብ ኖት በማዘጋጀት ሲንቀሳቀሱ በቁጥጥር ስር መዋላቸውን አስረድተዋል።

ባለፋት 30 ቀናት ፖሊስ በከተማዋ ባደረገው ቁጥጥርና ፍተሻ ሀሰተኛና የብር ኖቱ ሊያዝ መቻሉንም ጠቅሰዋል።

“በቀጣይም በዚህ ህገ ወጥ ተግባር የተሰማሩትን ቡድኖች በጸጥታ ኃይሉና በህብረተሰቡ ትብብር በቁጥጥር ስር የማዋል ስራው ተጠናክሮ ይቀጥላል” ብለዋል።

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.