ኢትዮጵያን በተለያዩ ሀገራት የሚወክሉ አምባሳደሮችና ዲፕሎማቶች ከኢኖቬሽን እና ቴክኖሎጂ ሚኒስቴር ጋር ተወያዩ

በመሆኑም የኢኖቬሽን እና ቴክኖሎጂ ሚኒስቴር ኢትዮጵያን በተለያዩ ሀገራት የሚወክሉ አምባሳደሮችና ዲፕሎማቶች ያደረገው ውይይት ጠቃሚ መሆኑን በትዊተር ገፃቸው ላይ አስፍረዋል።

የኢኖቬሽንና ቴክኖሎጂ ሚኒስትሩ ዶክተር አብርሃም በላይ ሃብት በማፈላለግ፣ በዘርፉ ቀጥታ ኢንቨስትመንትን በመሳብና ተያያዥነት ባላቸው ዘርፎች ዲፕሎማቶች የሀገሪቱን የዲጂታል ኢኮኖሚ ጉዞ እንዲያግዙ ጠይቀዋል።

በሕዝብ ተወካዮች ምክር ቤት የሰው ሃብት ልማትና ቴክኖሎጂ ጉዳዮች ቋሚ ኮሚቴ ሰብሳቢ ክብርት ወይዘሮ እምየ ቢተው በበኩላቸው ኢትዮጵያ በኢኖቬሽንና ቴክኖሎጂ ዘርፍ ያጸደቀቻቸውን ፖሊሲና ስትራቴጂዎች ለዓለም ማሳወቅ ያስፈልጋል ብለዋል።

ዘርፉ ሥራ በመፍጠር፣ ገቢ በማመንጨትና የዜጎችን ኑሮ ለማሻሻል ያለውን ፋይዳ በመረዳት አዳዲስ የፈጠራ ውጤቶችን ወደ አገር ማምጣት እንደሚያስፈልግም ገልጸዋል።

#FBC
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።