ከተማ አቀፍ የመምህራን የምስጋናና የእውቅና አሰጣጥ መርሃ ግብር ተካሄደ

በመርሃ-ግብሩም ላይም የአዲስ አበባ ከተማ አስተዳደር ምክትል ከንቲባ ወይዘሮ አዳነች አቤቤን ጨምሮ የከተማው ከፍተኛ የመንግስት የስራ ኃላፊዎች ተገኝተዋል።

ወይዘሮ አዳነች በወቅቱም መምህራን እስከዛሬ ላደረጉት አስተዋፅኦ መመስገን እና ማበረታታት እንደሚገባ ገልጸው÷ የከተማ አስተዳደሩ ለመምህራን አስፈላጊውን ትኩረት ይሰጣል ብለዋል ።

አያይዘውም ትምህርት የእድገት ሁሉ መሠረት ነው፣ በእድገትም ሆነ በቴክኖሎጂ አደጉ የምንላቸው አገራት መሠረታቸው ትምህርት ነው ብለዋል ።

የምስጋና ፕሮግራሙ ዋና አላማም መምህራን እስከዛሬ ላደረጋችሁት አስተዋፅኦ መሆኑን ነው ያሉት ምክትል ከንቲባዋ ÷ከፊታችን ባለው ግዜ በስነምግባር የታነጸ ፣ሀገሩን የሚወድ እና ለመለወጥ የሚጥር ትውልድ ለማፍራት መምህራን በትጋትና በፅናት መስራት አለባችሁ ሲሉም ጥሪ አቅርበዋል ።

በዚህ መርሀ ግብር ላይም በባለፈው የትምህርት ዘመን የላቀ አስተዋፆ ላበረከቱ 160 መምህራን፣ ርዕሳነ መምህራንና ሱፐርቫይዘሮች እውቅናና ሜዳሊያ መሠጠቱን ከአዲስ አበባ ከተማ አስተዳደር ፕሬስ ሰክሬተሪያት ጥህፈት ቤት ያገኘነው መረጃ ያመላክታል።