ከኢትዮጵያውያን ውጪ የኢትዮጵያን ዕድል የሚወስን ሌላ ምድራዊ ኃይል የለም – አምባሳደር ታዬ አጽቀስላሴ

አምባሳደር ታዬ ይህን የገለጹት፥ የኢትዮጵያ የሰላምና እንድነት ማህበር የተሰኘው ተቋም በአሜሪካ የኢትዮጵያ ኤምባሲ ጋር በመተባበር ባዘጋጀውና በአሸባሪው ህወሃት ወረራና ጥቃት ምክንያት ለተፈናቀሉ ወገኖች የሰብዓዊ ድጋፍ ማሰባሰቢያ ፕሮግራም ላይ ባደረጉት ንግግር ነው።

አምባሳደር ታዬ አክለውም፥ በየትኛውም የዓለም ክፍል የሚገኙ ኢትዮጵያውያን ሁሉ አገራቸው የምትገኝበትን ሁኔታ በተሟላ ሁኔታ በመገንዝብና የላቀ ጥበብ በማሳየት አገራቸውን ከፍ ወደ ላቀ ደረጃ ለማሻገር በትጋት እንዲሰሩ ጥሪ አቅርበዋል።

በኢትዮጵያ የአሜሪካ አምባሳደር ፍፁም አረጋ በበኩላቸው፥ በተለያዩ የአሜሪካ ግዛቶች የሚገኙ ኢትዮጵያውያን ከዚህ ቀደም ለተፈናቃይ ወገኖች ሰብዓዊ ድጋፍ ይውል ዘንድ 500 ሺህ የሚጠጋ የአሜሪካን ዶላር ድጋፍ ማድረጋቸውን ገልጸው፥ በቀጣይም የሚያደርጉትን ድጋፍ እንዲያጠናክሩ ጠይቀዋል።

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!