ወይዘሮ ሙፈሪሃት ካሚል ከአውሮፓ ህብረት የውስጥ ጉዳዮች ኮሚሽነር ጋር ተወያዩ

የኢትዮጵያና አውሮፓ ግንኙነት በሀገራት የጋራ ጥቅም ላይ የተመሰረተ ስለሆነ ትብብሩ ወደፊት ተጠናክሮ እንዲቀጥል መጠየቃቸውን ከሰላም ሚኒስቴር ያገኘነው መረጃ ያመላክታል።

በአካባቢው ሰላምና መረጋገት እንዲሰፍን ኢትዮጵያ እያበረከተች ያለውን አስተዋጽኦ በተመለከተም ማብራሪያ ሰጥተዋል።

አያይዘውም በኢትዮጵያ ዘላቂ ሰላምና ፀጥታ በማስፈን ልማትን ለማረጋገጥ በሁሉም ዘርፎች ላይ የተጀመሩ ለውጦች ተጠናክረው እንደሚቀጥሉ አስገንዝበዋል።

ህገወጥ የሰዎች ዝውውር እንዲሁም ስደት የሚያስከትለውን ማህበራዊ፣ ኢኮኖሚያዊና ፖለቲካዊ ችግሮች በሚመለከት የተወያዩ ሲሆን፥ ኢትዮጵያ ችግሩን ለመቀነስ የምትከተለውን ቀጣይ የለውጥ አቅጣጫና ተግዳሮቶችን አስመልክተው ለኮሚሽነሯ ገለጻ አድርገውላቸዋል።

የአውሮፓ ህብረት የውስጥ ጉዳዮች ኮሚሽነር ይልቫ ጆሐንሰን በበኩላቸው፥ ስደትን ሙሉ በሙሉ ማስቀረት ባይቻል እንኳን በሀገራት ላይ የሚያሳርፈውን ማህበራዊ ተጽዕኖ በትብብር ከተሰራ መቀነስ እንደሚቻል ጠቁመዋል።