የቆላማ አካባቢዎች ኑሮ ማሻሻያ ፕሮጀክት ዜጎች በኢኮኖሚያዊና ማህበራዊ ዘርፎች ተጠቃሚ የሚያደርግ መሆኑ ተገለፀ

በዚህ ወቅት በሰላም ሚኒስቴር የፌዴራሊዝምና አርብቶ አደር ጉዳዮች ዘርፍ ሚኒስትር ዴኤታ ዶክተር ስዩም መስፍን ፕሮጀክቱ በአካባቢው የሚገኙ ማህበረሰቦችን ኢኮኖሚያዊና ማህበራዊ ተጠቃሚነት ላይ ትኩረት አድርጎ የሚሰራ ነው ብለዋል፡፡

ፕሮጀክቱ በአፋር፣ ሶማሌ፣ በቤንሻንጉል ጉሙዝ፣ በጋንቤላ ፣በኦሮሚያና በደቡብ ብሄር ብሄረሰቦች ህዝቦች ክልሎች የሚገኙ አርብቶና ከፊል አርሶ አደሮችን ላይ የሚሰራ ነው ተብሏል ፡፡

ከከፍተኛ የትምህርት ተቋማት ጋር በጋራ በመሆን ምርታማነትን ሊጨምሩ የሚችሉ ጥናቶችን በማካሄድ ማህበረሰቡ የተሻሉ ዝርያዎችን እንዲያረባ ማድረግ እና ምርታማነትን በማሳደግ ጠንካራ የገበያ ትስስር መፍጠር ፕሮጀክቱ በዋናነት እንደሚሰራ ተገልጿል፡፡

ወጣቶችን በማደራጀት የገንዘብ ድጋፍ በማድረግ ወጣቱን ወደ ስራ በማሰማራት የልማቱ ተጠቃሚ ማድረግ የፕሮጀክቱ አንዱ የስራ አካል እንደሆነ ነው በውይይት መድረኩ የተገፀው ፡፡

የግብርና አርብቶ አደርና አካባቢ ጥበቃ ቋሚ ኮሚቴ ሰብሰቢ ወይዘሮ አልማዝ መሰለ በቀጣይ ፕሮጀክቱ የሚያከናውናቸው ተግባራት ዘላቂነትና ቀጣይነት ያላቸው ሊሆኑ ይገባል በማለት ገልፀዋል፡፡

ፕሮጀክቱ 2 ነጥብ 5 ሚሊየን ህዝብን ተጠቃሚ የሚያደርግሰ ሲሆን ከዚህ ውስጥ 50 በመቶ ሴቶች እንዲሁም 20 በመቶ ወጣቶች መሆናቸውን ከሰላም ሚኒስቴር ያገኘነው መረጃ ያመለክታል፡፡