የደቡብ ክልል መስተዳድር ምክር ቤት በተለያዩ ጉዳዮች ላይ ውሳኔ አሳለፈ

የገጠር ኢንቨስትመንት መሬት ለባለሀብቶች በሚተላለፍበት ሂደት እንዲሁም በአሰራሮች ላይ የተስተዋሉ ማነቆዎችን ለመፍታት በቀረበለት ምክረ ሀሳብ መመሪያ ላይ በመወያየት ሀሳብና አስተያየት በማከል ውሳኔ አስተላልፏል፡፡

ምክር ቤቱ የተለያዩ የኢንቨስትመንት ጥያቄዎችን አስመልክቶ በቀረበው አጀንዳ ላይ በስፋት መክሯል፡፡

በግብርና፣ በኢንዱስትሪ ፣በአገልግሎት እና መሰል ዘርፎች ላይ የቀረቡ የኢንቨስትመንት አማራጮች ለአካባቢዉ ህብረተሰብ የሚኖረዉን ማህበራዊና ኢኮኖሚየዊ ፋይዳ እንዲሁም ለወጣቶች የስራ እድል ከመፍጠር አንጻር ሊያበረክት የሚችለዉን አስተዋፆ በመመርመር ነው ውሳኔ ያስተላለፈው፡፡

በመጨረሻም መስተዳድር ምክር ቤቱ በተለያዩ የመንግስት ተቋማት የቀረበለትን የአሰራር ማሻሻያዎች ላይ ተወያይቶ ሀሳብና አስተያየት በማከል የዉሳኔ ሀሳቡን ማሳለፉን ከክልሉ መንግስት የመንግስት ኮሙኒኬሽን ጉዳዮች ቢሮ ያገኘነው መረጃ ያመለክታል።