ጥሩ ቡድን ይዘን ለመቅረብና ማንነታችንን ለማሳየት ተዘጋጅተናል – አሰልጣኝ ውበቱ አባተ

ከስምንት ዓመት በኋላ ወደ ውድድሩ እንደመመለሳቸው አብዛኛዎቹ ተጫዋቾች ዘንድሮ ለሚተገበረው ቪኤአር ቴክኖሎጂ አዲስ ቢሆኑም ያን ያህል ልዩነት እንደማይፈጥር ተናግረዋል።

በዘንድሮው ውድድር ላይ ዝቅተኛ ግምት እንደተሰጣቸው ከጋዜጠኞች ጥያቄ የቀረበላቸው አሰልጣኝ ውበቱ፥ ” ሁሉም ሰው ለእኛ አነስተኛ ግምት ነው የሰጠን። የፊፋ ደረጃ ላይ ያለን ቦታ ዝቅተኛ ነው፤ ደረጃው ግን ያለንበትን ሁኔታ አመላካች ነው ለማለት ይከብዳል” ነው ያሉት በምላሻቸው።

“ሁላችንም እንደምናውቀው ተጋጣሚዎቻችን ጠንካሮች እና በጥሩ ተጫዋቾች የተዋቀሩ ናቸው፤ ሆኖም እኛም ለመፎካከር እና ያለንን ነገር ለማሳየት ተዘጋጅተናል” ብለዋል።

አምበሉ ጌታነህ ከበደ በበኩሉ፥ የነገውን ጨዋታ በጥሩ ሁኔታ ለማከናወን እንደተዘጋጁ ተናግሯል።

ኢትዮጵያ ነገ ምሽት 4 ሰዓት ላይ የምድቧን የመጀመሪያ ጨዋታ ከኬፕ ቨርዴ ጋር ታደርጋለች፡፡

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!