1 ሺህ 443 ኢትዮጵያውያን እስረኞች ከታንዛኒያ ወደ ሀገር ቤት ሊመለሱ ነው

በዚህ መሰረትም በታንዛኒያ እስር ቤቶች የነበሩ 1 ሺህ 443 ኢትዮጵያውያንን በማስፈታት ወደ ሀገር ቤት ለመመለስ ዝግጅት መጠናቀቁን ኤምባሲው ገልጿል።

የኢትዮጵያ መንግስት እና የአውሮፓ ህብረት ለዚህ የሚያስፈልገውን ሙሉ ወጪ በጋራ በመሸፈን የአለም አቀፉ የስደተኞች ድርጅት የታንዛኒያ ቢሮ ጋር በመተባባር ኢትዮጵያዊያኑን ወደ ሀገር ቤት ለመመለስ እና የመልሶ ማቋቋም ድጋፍ ለማድረግ ከስምምነት ላይ መድረሳቸውም ተመላክቷል።

ከስምምነት ላይ የተደረሰውም በታንዛኒያ የኢትዮጵያ አምባሳደር ዮናስ ዮሴፍ፣ በታንዛኒያ ከአውሮፓ ህብረት ልኡክ አምባሳደር ማንፈሬድ ፋንቲ ፣ የአለም አቀፉ የስደተኞች ድርጅት የታንዛኒያ ቢሮ ተጠሪ ዶክተር ቃሲም ሱፊ እና በታንዛኒያ የአውሮፓ ህብረት ኮሚሽን ልኡክ ፕሮግራም ኦፊሰር ሳቲኔ ሄልዴክጃኤር ጋር ባደረጉት ውይይት መሆኑ ተገልጿል።