10ኛው የአዲስ አበባ ከተማ የቴክኒክና ሙያ ሳምንት ባዛርና አውደ ርዕይ ተከፈተ

ባዛርና አውደ ርዕዩ “ቴክኒክና ሙያ የወጣቱ የስኬት በር በሚል መሪ ቃል” ለአምስት ተከታታይ ቀናት ይካሄዳል።

በባዛሩ ላይ ከ500 በላይ ምርትና ምርታማነትን የሚያሳድጉ እንዲሁም የህብረተሰቡን ችግር የሚፈቱ የተለያዩ ቴክኖሎጂዎች እንደሚቀርቡ የኤጀንሲው ዋና ዳይሬክተር አቶ ንጋቱ ዳኛቸው ተናግረዋል።

ኢንጀነር እንዳወቅ አብጤ በበኩላቸው ተቋማት የግብርና ዘርፉን ወደ ኢንዱስትሪ ለማሸጋገር በሚያደርጉት ጥረት ላይ ከፍተኛ አስተዋጽኦ እንዲያበረክቱ የሚያስችል መሆኑን ገልጸዋል።

የከተማ አስተዳደሩ የተለያዩ ማሻሻያዎችን በማድረግ የማሰልጠኛ ተቋማቱን አቅም ለማጠናከር በትኩረት እንደሚሰራም ጠቁመዋል።

በሹመት አለማየሁ