14ኛው የስልጤ ባህል፣ ታሪክና ቋንቋ ሲምፖዚየም ተከበረ

እንዲሁም የስልጤ ዞን እራሱን በራሱ ማስተዳደር የጀመረበት 20ኛ ዓመት ተከብሯል፡፡

በመርሃ ግብሩ የአዲስ አበባ ከተማ ምክትል ከንቲባ ወይዘሮ አዳነች አቤቤ፣በምክትል ከንቲባ ማዕረግ የመንግስት አገልግሎት ሰጪ ተቋማት አስተባባሪ አቶ ጃንጥራር አባይ፣የፌደራል ከፍተኛ የስራ ኃላፊዎች ፣የስልጤ ዞን ዋና አስተዳዳሪ አቶ አሊ ከድር ፣ የስልጤ ማህበረሰብን ጨምሮ የዞኑ የስራ ሃላፊዎች እንዲሁም ሌሎች ጥሪ የተደረገላቸው እንግዶች ተገኝተዋል፡፡

በዚህ ወቅት ወይዘሮ አዳነች አቤቤ አዲስ አበባ የኢትዮጵያ ብሄር ብሄረሰቦች አንድነት ፣ ፍቅርና ህብረብሄራዊነት ማድመቂያ ናት ያሉ ሲሆን የስልጤ ብሄረሰብ ከሌሎች እህት ወንድም ህዝቦች ጋር በመሆን ከተማዋን እያለሙና እያሳደጉ ይገኛሉ ብለዋል።

በአብሮነት እና በአንድነት ከተሰራ በርካታ እድሎች እና ጸጋዎች አሉን ፤ ከተተባበርን እና ከተጋገዝን የኢትዮጵያን ብልጽግና ከማረጋገጥ ማንም የሚያስቆመን አካል እንደሌለ ምክትል ከንቲባ ገልጸዋል ።

በአዲስ አበባ ከተማም የስልጤን ማህበረሰብ የስራ ባህል እና ማንነት የሚያንፀባርቅ የባህል ማዕከል መገንቢያ ቦታ በከተማ አስተዳደሩ እንደሚዘጋጅ ምክትል ከንቲባዋ መናገራቸውን ከአዲስ አበባ ከተማ ፕሬስ ሴክሬተሪት ጽህፈት ቤት ያገኘነው መረጃ ያመለክታል።

ሲምፖዚየሙ በዞን ደረጃ በወራቤ ከተማ መከበሩ ይታወሳል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡-https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!