Finfinnee, Eebila 14, 2014 (FBC) – Jilli Kantiibaa Bulchiinsa Magaalaa Naqamtee obbo Toleeraa Raggaasaan durfamu hojii qonna magaalaatiin Kutaa Bulchiinsa Sorgaa keessatti hojjetamaa jiru daawwateera.
Jillichi hojii inisheetiivii qonna jallisii qamadii, gaagura ammayyaa, kuduraa fi muduraa akkasumas furdisa horii magaalicha keessatti hojjetamaa jiran daawwateera.
Daawwannicharratti hoggansi magaalaa, ogeessota qonna magaalaa fi godinaa argamaniiru.
Dhaabbanni Gaarummaa Hawaasaa jedhamu xaa’oo fi sanyii filatamaa dhiyeessuun qonnaan bultoota hojicharratti bobba’aniif deggersa taasisaa akka jiru namoonni qonna jallisii qamadii fi kuduraa fi muduraa hojjetaa jiran ibsuun, deggersaa taasifamuuf galateeffataniiru.
Hojiin qonna magaalaa rakkoo dhiyeessii nyaataa magaalaa keessstti mul’atu furuu fi lafa xiqqaarratti hojii qonna kuduraa fi muduraa hojjechuun akka danda’amu hubannoo argachuu fayyadamtoonni eeraniiru.
Galaanaa Tasfaatu gabaase.
Ityoophiyaa:-Haa Misoomsinu,Haa Ijaarru, Haa qophoofnu!!!
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.