Atileetonni Ityoophiyaa Maaraatoonii Boostanirratti ni hirmaatu

Finfinnee, Amajjii 4, 2015 (FBC)- Atileetonni Ityoophiyaa Fiigicha Maaraatoonii Boostanirratti koorniyaa lamaniin akka hirmaatan qopheessitoonni dorgommichaa beeksisan.

Dhiirotaan Atileet Leellisaa Deessisaa, Shuraa Qixxaataa, Indaamilaak ballihuu, Andwaalam Balaay akkasumas Hirphasaa Nagaasaa kan hirmatan ta’uun ibsameera.

Gama dubartootaan Atileet Goyiteetoom Gabrasillaasee fi Atileet Amaanee Bariisoo kan hirmaatan ta’uun eerameera.

Dabalataan atileet Atileet Abaabal Yashaanee, Atsadee Baayyisaa fi Hiiwoot Gabramaariyaam, maaraatoonni kanarrattti Ityoophiyaa bakka bu’uun Atileetota dubartootaa hirmaatan ta’uun himameera.

Dorgommii fiigicha Maaraatoonii Boostan 127ffaarratti rikardii maaraatoonii idil addunyaa kan qabdu Atileetii Keeniyaa Eeluud Kiipchoogee dabalatee Atileetiin Taanzaaniyaa Gabireek Geey ni hirmaatu jedhameera.

Baatii Eblaa dhufu dorgommii Maraatoonii Boostan kanarratti atileetonni kuma 28 ol ni hirmaatu jedhamee kan eegamu ta’uu ragaan Maaraatoonii Boostaanirraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.