Baankiin Daldalaa Ityoophiyaa dameesaa Jibuutii ebbisiise
Finfinnee, Amajjii 4, 2012 (FBC) – Preezdaantiin Jibuutii Ismaa’eel Oomar Giilleeh Jibuutiitti damee Baankii Daldalaa Ityoophiyaa ebbisiisuun hojii eegalchiisan.
Preezdaantichi dameen baankichaa Jibuutitti banamuun, hariiroo obbolummaa biyyoota lamaanii gama hawaasummaa, diinagdee fi faaynaansiin jiru jabeessuuf ni gargaara jedhaniiru.
Sadarkaa misooma invastimantii Jibuutii guddisuun madda faaynaansii damee dhuunfaa ni ta’a jedhaniiru.
Invastimantii damee dhuunfaa gama tuuriizimii, misooma manneenii fi diinagdee diijjiitaalaa cimsuurrattis ga’ee ni qabaata jedhan preezdaantichi.
Hojii Ityoophiyaa fi Jibuutii gama diinagdee, daldalaa fi faaynaansiin walitti hidhuuf hojjetamus ni jabeessan ibsan.
Biyyoonni lamaan tumsa alergii fi fichisiisaa, bu’uuraalee misoomaa, elektiriiksiitii fi inarjiin hariiroo waltumsaa fi tarsiima’aa ta’e kan qaban ta’uu ibsaniiru.
Ebbicharratti Jibuutiitti Ambaasaaddarri guutuu Ityoophiyaa Abdulaaziiz Mahaammad, preezdaantiin Baankii Daldalaa Ityoophiyaa Baacaa Giinaa fi qondaaltonni biyyoota lamaanii argamaniiru.